يا قمرات فتكات و عرايس قمرات
من فتره كده كان فى مسابقه عن يوم الزفاف و كان نفسى اشترك فيها بس الحقيقه ملحقتش و كده مع الموضوع ده اصلا كان نفسى اعمله من قبل حتى موضوع المسابقه ده
فا انا قلت انزله انا مع نفسى حتى على الاقل لو مكسبتش ميبقاش شكلى وحش ههههههههههه
ياااااااااااااااااه يا بنات اليوم ده وحشنى اوى اوى بجد و كل ما اقول هانت بيطلعلنا ميت حاجه مع ان الحمد لله خلصنا الجهاز بس طبعا اراده ربنا لسه ماردش
بالله عليكم ادعولى ان ربنا ييسرلى امورى و افرح عن قريب ياااااارب احسن انا نفسيتى تعبانه اوى بعد ماكنت المفروض اعيش اليومين دول احلى يومين فى حياتى سبحان الله على النكد الى بيحصلى يالا الحمد لله
طبعا طولت عليكم معلش انا عارفه بس قلت افك عن نفسى شويه
بس فى حجتين مهمين لو الموضوع عجبكم اولهم الدعاء بتيسير الامور
و التانى التقييم لانى بجد تعبت اوى فى الموضوع ده من حيث تجميع الصور و عمل الموضوع
و على فكره انا اخترت الحاجات دى بالتقريب من الواقع يعنى معظم الحاجات دى هى شبه حاجاتى فعلا يعنى مش بختار احلى الصور لا بختار الصور الى ممكن تقرب الواقع بس اول صوره اكيد لا هههههه
و هنبتدى بيوم الحنه طبعا لسه متظبطناش ولا روحنا كوافيرات فطبعا هنقوم من النوم عاملين كده ههههههههه
طبعا نقوم جرى على الحمام عشان ننضف شويه و ياريت مننساش موضوع الحمام المغربى بجد انا عملته مره ندمت انى مجربتوش قبل كده وهتحسى بفرق فظيع بعدها
وبعد ما نروح للكوافير و ننضف و نكون حلوين هنلبس فستان الحنه عشان الضيوف الى هتيجى و اصحابك و هنحط ميك اب رقيق و انا عن نفسى هلبس فستان شبه ده و برضه حابه انه يكون احمر
وطبعا هنقعد نرقص و نجيب القديم و الجديد و نطلع كبت السنين و هنام اصلا بالعافيه من كتر التفكير و الفرحه الى احنا فيها هههههه
واكيد هنقوم بالعافيه
وهنقوم طبعا نصحى البيه عشان اكيد هيبقى نايم عامل كده هههه
ولا بيفرق معاهم حاجه الناس دى اموت و اعرف هما ازاى اول مابيحوطوا راسهم بيناموا
و هنقوم ندخل على الحمام عدل ناخد شاور محترم وبلاش حمام مغربى عشان هو اصلا بيتعمل مرتين فى الاسبوع بالكتير فهناخد شاور عادى بس بذمه دى حموم الفرح هههههه يعنى مره فى العمر
ونعمل ماسك مرطب للبشره
و طبعا هنغسل اسنانا بالفرشه و المعجون و انصحكم بالمضمضه بتاعه الفم و احسن نوع اسمه بى فريش لامها اصلا معموله لرائحه الفم وممكن اى نوع تحبوه لانها فعلا بتنعش النفس و بتخلى الريحه حلوة واكيد هنتوضى و نصلى وندعى ربنا كتييييييير ان ربنا يسعدنا و يتمم اليله دى على خير و اكيد كل الادعيه الى تتمنوها من ربنا
و هنحضر الشنطه الى هناخدها للكوافير و ممنساش الملابس الداخليه الى تحت الفستان و الجيبونه و اكسسواراتك الى هتاخديها معاكى فى الكوافير
و ده حسيته شبه الفستان الى اخترته بس طبعا فستانى احلى بكتير يعنى فى شغل اكتر من كده
بس يارب الاقيه ساعه لما اروح احجز
و الجيريب ده عاجبنى اصلى بحب اللون الابيض فى الاخضر
ومننساش نستخدم رول اون يكون كويس و البرفان المفضل ليكى انا عن نفسى بفضل نيفيا رول اون و اكتر برفان مفضل هو بانادورا و دول صورهم
وهنختار شوز او صندل رقيق اوى و ممكن نختار حاجه زى دى
و بعد ساعات طووويله وشاقه فى الكوافير و مننساش ناكل حاجه و نشرب عصاير عشان مش يجيلنا هبووووط و نختار ميك اب هادى و لفه طرحه حلوة و اكيد ان شاء الله هنطلع قمرات زى العروسه الموزه دى
و نطلع من الكوافير و فى ايدينا عريس الهنا هههههه
و نركب العربيه و يقعدو يعملولنا بيب بيب بيبيبيبيب
هههههههههههههههههههه
و نروح استوديوا التصوير و بعدين ندخل على الفرح برجلينا اليمين
طبعا مش شبهه القاعه خالص هههههههههههه
بس عجبتنى فقلت انزلها و خلاص
بعدين بعد ما نتهد فى الفرح
و نخرج منه بالسلامه جرىىىىىىىىى على البيت الى بنحلم بيه من ساعه ما عرفنا نحلم و نسمى الله و نقرا المعوذتين و ندخل الشقه
ومننساش يا بنات نشرب لبن سنه عن الرسول صلى الله عليه وسلم وبعدين ندخل نغير و ناخد شاور سريع من غير شعرنا و نلبس عبايه صلاه عشان نصلى ركعتين لله و الصلاوات الى مصلنهاش
لحد ما تحسى ان جوزك داخ و جاب اخره ههههه عشان تطمنوا
و بعد ما تصلوا هنلبس قميص النوم و نحط ميك اب خفيف و بودر للجسم و برفان
و انا عن نفسى مش هلبس ابيض انا جايباه بس الباشا مش عاوز ابيض عاوز موف
غهلبس واحد ستان موف شبه الى هنزلكم صورته
و تسريحه الشعر بسيطه اوى و الميكب كمان و ده سر من اسرار الانوثه ان الشعر يكون سايب
و طبعا هو هيشوفك كده مش هيقاوم هههههههههههه
بس يارب نطلع نص حلاوتها
و بعدين يا قمامير هننام طبعا و بس عاوزين ايه تانى؟؟؟
يوم الصباحيه بقى ان شاء الله مش هلبس عبايا عشان اكيد محدش هيجى اول ما نصحى و حتى لو حد جه هنطلع بلبس خروج و دى البيجامه الى جايباها للصباحيه شبه دى اوى بس بتاعتى برمودا و منقطه باسود زى الى هتشوفوه فى المشاركه الى جايه
امة الله ياسمينه امة الله ياسمينه 420396_4.gif فتكات رائعة Fatakat 420396 المنيا – مصر