ازيكم يا بنات يا حلوات يا قمرات
كل سنة وانتوا طيبين وفي الهنا بايتين قولوا آميييييين
بصوا بقة عشان انا منظري وحش قوي أدام المحروس خطيبي
بيكلمني امبارح بيقولي كلتوا ايه النهاردة كالعادة بتاعته يعني
فأنا بسأله وانت بقة يا سيدي كلت ايه
راح مديني الصدمة كدة في وداني وقالي كلنا
بيكاتا بالشامبنيون
قولتله اااه شامبليون دة اللي فك حجر رشيد
قالي يا خايبة بيكاتا بالشامبنيون قولتله اه حلوة يا قلبي بالهنا والشفا دي فظيييييييييعة البيكاتا دي
مش دي المكرونة يعني في الفرن
قالي لا يا ام جهل
دي فراخ أوبتتعمل باللحمة في الفرن وبيتحط عليها حاجات كتير اخواتي بيعملوها
قالي اسألي عليها عشان تبقي تعمليهالي
قولولي بقة تطلع ايه الشامبليون دة
انا مش عارفة الرجالة دول طلباتهم غربية
ماله المحشي والرز ابو شعرية والبطاطس
مين شطورة هنا وتقولي تطلع ايه البيكاتا دي وبتتعمل ازاي والطريقة والمقادير وكل حاجة بالتفصيل
ووحدة وحدة عليا عشان انا خايبة زي ما خطيبي حبيبي بيقول
مواضيع هذا القسم برعاية
حبيبة قلب _ أحمد حبيبة قلب _ أحمد 711571_1.gif فتكات رائعة Fatakat 711571 قلب أحمد – مصر