السلام عليكم ورحمة الله وبركاته …
ده تطبيقى لفطيرة الجبنة اللذيذة للعضوة أم براء حبيبى ,,,,
تسلم ايديها وربنا يديها الصحة ..
وده رابط الموضوع
فطيرة الجبنة اللذيذه من مطبخى لحبايبى الفتوكات
بس انا ضاعفت الكمية لانى كنت عايزة اعمل صينية كبيرة …
نشوف المقادير اللى عملتها
3 كوب دقيق
كوب زبادى 200 جرام … استخدمته كله
ربع كوب زيت
ملعقة صغيرة ملح
ملعقة صغيرة سكر
ملعقة كبيرة خميره
مقادير الحشو ..
خليط من الجبنة حسب المتاح لديك ..
جبنه بيضاء ملح خفيف
ملعقتين كبار جبنة كيرى أو 3 قطع
بيضة – زعتر
جبنة رومى وشيدر مبشور
سمسم للوجه .. زعتر .. او شوية حبة البركة
الطريقة ..
تخلط المقدير الجافة كلها وتعجن بالزبادى ..
ولو احتاجت ممكن يضاف لها لبن
بس انا لم استخدم غير الزبادى فقط ..
غطيها وتترك ترتاح لمدة نصف الى ثلاثة ارباع ساعة
العجينة ملمسها رائع وطرية جداً
يرش سطح الرخامة بدقيق و تفرد
وتوضع فى صينية مدهونة زيت خفيف ..
ولو فى زيادة فى العجينة سيبيها وقومى بثنيها بعد وضع الحشو
تخلط مقادير الحشو كلها وتوضع على العجينة
انا عملت واحدة سادة
وواحدة تانية عليها شرائح طماطم رفيعة جدا وزيتون اسود
روووووووووعة
ومن الممكن اضافة قطع من البسطرمة او السلامى ..
او فلفل رومى
ثم يرش السطح بالسمسم والزعتر .. وممكن تستخدمى حبة البركة
توضع فى فرن حار على درجة حرارة 200
لمدة 25 – 30 دقيقة ……
على الرف الاوسط ..
ونشوف الصور
دى السادة ..
دى بالطماطم والزيتون
شوفوا لما خرجت من الفرن .. لونها ذهبى يجنن
بصوا ازاى طلعت من الصينية بمنتهى السهولة ..
واتنقل لطبق التقديم
بصوا طبقة الجبنة عاملة ازاى … رائعة …ومتماسكة …
ودى السادة ..
والسمسم اعطى لها طعم خرافى ,,,,
ممكن تضيفى حاجات كتيرة للحشو …
والفطيرة نفسها طعمها حلو جداً وخفيفة …
تسلمى يا أم براء على الفطيرة .. جربوها ح تعجبكم ..
مواضيع هذا القسم برعاية
دودو المعادى دودو المعادى 49506_5.gif برنسيسة فتكات Fatakat 49506 مدينة المعادى – مصر