السلام عليكم ورحمة الله وبركاته
الحمد لله كثيرآ … بسم الله الرحمن الرحيم
مبدئيآ أتمني ان الموضوع يتثبت عشان الفتوكات يقدروا يستفيدوا … ويارب يكون في ميزان حسناتي
أنا لسه والده جديد ومش عارفه اقعد خالص علي النت بس اصريت اكتب تجربتي عشان انا كنت محتاجه معلومات زي دي وانا في المشكله فأكيد بردوا في ناس هتدور زيي …
المهم عشان ماطولش عليكم
مشكلتي بدأت في الحمل كنت برطب الحلمات دايمآ بالكريمات واخر شهر عملت مساج عشان النيبلز تظهر واستعملت فكره السرنجه ال 10 مل .
المشكله بقي بعد الولاده ولا اكني عملت حاجه … النبيلز ماظهرتش خالص ولا مساج بقي ولا اي حاجه حتي السرنجه كنت بشد بيها النيبلز واول ما اسبها ترجع تاني في ثواني … والبيبي مكنش عارف يرضع خااالص ونفسيتي بقت سيئه جدآ ولجئت للبن الصناعي لان بنتي جاتلها الصفرا وكان لازم تتغذي كويس … دي اول مشكله واجهتني .
تاني مشكله :
ان اللبن نزل عندي خامــس يوم ولاده ومكنش ينفع اشرب بنتي بيبي درينك خمس ايام حرام يعني .. فطبعآ مع مشكله النيبلز كمان خدت لبن صناعي .
تالت مشكله :
ازاي بعد ما رضعت 5 ايام صناعي هترضي تاخد صدري .
الحل اللي ربنا هداني ليه هو حلمات الثدي … دي حلمات بتشتريها من الصيدليه موجوده في الصيدليات الكبري وبتحطيها علي النبلز والبيبي بيدأ يمصها ويسحب الحلمات عندك وينزل اللبن وبجد جميله جدآ … بس لازم تاخدوا بالكم من كذا حاجة :
أولا لازم تكون نوع كويس وتكون سيلكون طري تاخد شكل الثدي ما تكونش ناشفه وواقفه زي حلمات الببرونه كده فاهمني لان دي هتألمك جامد .
بعد الرضاعه تغلي الحلمات في مايه سخنه عشان تقتل البكتريا
الحلمات دي مفيده جدآ للي عندها تشققات وفي فطريات في فم البيبي عندها تستخدمها لانها هتعمل عازل بين ثديك وفم البيبي وده هيساعد كتير في العلاج .
النوع اللي استخدمته وبجد رائع هو شيكو ودي الصوره :
رابع مشكله :
ودي ظهرت في فتره حملي لقيت الثدي عندي بينزل دم من مكان نزول اللبن وللتوضيح دي مش تشققات لا الثدي نفسه بينزل دم ولفيت علي الدكاتره وعملت اشعه ومفيش حاجه بردوا فقلت اروح اعمل تحليل للعينه اللي بتنزل من صدري وفعلآ دي اللي وضحت ان عندي تليف والتهاب في القنوات اللبنيه duct ectasia
وبروا الدكاتره ما افدتنيش بخصوص الرضاعه .
بس انا ما فقدش الامل في اني ارضع طبيعي … واول ما ربنا كرمني بنزول اللبن بدأت بكمادات دافيه وعصر الثدي بهدوء لان العصر السريع والقوي بيعمل التهابات للقنوات واللبن الاول بدأ ينزل بدم ومع التكرار الحمد لله لونه صفي .
معلومه مهمه بقي بالنسبه للعصر الشفاط العادي اللي دي صورته خطر جدآ علي الثدي لانه بيعصر بطريقه خطأ وبيسبب التهاب واحتقان في القنوات اللبنيه والافضل شفاط الكهربا او العصر اليدوي .تمام .
fighting dodo fighting dodo فتكات نشيطة Fatakat 1110364 العاشر من رمضان – مصر