السلام عليكم ورحمه الله وبركاته
يا جماعه ديه اول مره بعمل جروب
او بمعنى اصح بخس مع حد تانى
او بكتب موضوع عن
التخسيس
على فكره يا جماعه انا ما عنديش نظام معين بس بجد والله عايزه اخس وابتدايت اشرب
جنزبيل على قرفه على كمون وليمون بقشره
وكمان اخويا كان جابلى من الصين شاى اخضر عرفت انه هنا غالى اوى
بس نفسى اخس اوى وفى نفس الوقت لما ببداء فى الريجيم بتجيلى حاله غريبه باكل كتيييييييييير وبعدها بندم جامد ونفسيتى بتتعب خالص مش عارفه اعمل ايه نفسى اصاحب 5 او 3 او 4 يكونوا فى نفس وزنى ويبتدى يكون بينا منافسه ونسال على بعض ونشوف وزننا نزل اد ايه
وعلى فكره انا وزنى 125 وطولو 169 واكتر مكان مليان عندى الهانش ورجلى مسببالى ازمه نفسيه وحاسه ان شكلها بشع من كتر السمنه وكمان ابتديت توجعنى وبارهق جامد جدا من شغلى وبعدين شغلى كله مشى والله انا ما بئيت عارفه اعمل ايه وسنى صغير على الوزن ده 30 سنه والله ديه مئساه ولما جوزىبيعرف انى عامله ريجيم بيحبطنى جامد جدا ويقعد يتريئ عليا بس انا ناويه اخس من غير ما ائوله علشان فى الصيف يتفاجىء ويلاقين فشر ميمى شكيب فى زمانها المهم نجمع الاول وبعدين نحدد هنعمل ايه وهنمشى على ريجيم اللى يناسب وزننا
مريم 2024 مريم 2024 23316_2.gif فتكات هايلة Fatakat 23316 الجيزه – مصر