بسم الله الرحمن الرحيم
هحكي لكم حكايتي من البداية
لائن انا حاسة بكل واحدة نفسها تبقي ام
وعندها نفس مشاكلي وقلقانة من فترة العلاج
بس امانة يابنات
انا والله عايزة اطمنكم واساعدكم
انتو ادعولي
ربنا يثبت حملي ويكملي علي خير ويرزقني بطفل سليم معافي
الاول
كانت البريود عندي غير منتظمة
يعني ممكن كانت تفضل 3 شهور متجيش
ولو جت كانت مؤلمة جدا جدا
كنت بتحايل علي ماما توديني لدكتورة
بس طبعا انتو فاهمين كانت مبتوافقش وتقولي مفيش بنات يروحو لدكتورة نسا
المهم انقطعت البريود 5 شهور
وهنا هي كانت ادام امر واقع
روحت لدكتورة وقالت لي ولا هعمل لك اي حاجة
خدي ميرامية ولما تتجوزي ابقي اعالجك
طبعا انا مرتاحتش
وكنت خايفة ان المووضوع يزيد
روحت لدكتور
ودة طلب مني تحاليل هيرمونات
وقالي عندك تكيسات
مش فاكراة قلي علاج اية
لائني سبتة علي طول لائنة كان راجل وانا مكنتش مرتاحة
روحت للدكتورة بتاعتي الي انا لسة مستمرة معاها لحد الوقت
و
دي قالت لي كويس ان انتي جيتي قبل الجواز
علشان تظبطي نفسك
وجيت انااتخطبت
وهي سأتني
هتجوز امتا وكدة
وطلع عندي ضعف مبايض
المهم
الاول كنت ممشياني
علي السيكلو المنظمة
واخذت كلوميد
وسيدوفاج
وكل يوم 13 اروح لها تكشف وتقيس بالاشعة الي عندها دي
وكاتنت بتسبني ارتاح كل شهور
وقبل جوازي بفترة غيرت الكلوميد
ل تاموكسفين 20 كنت باخد 4 ف اليوم
لمدة 5 ايام
وهي مظبطة العلاج مع ايام البريود
لما جيت اتجوز
قالت لي كدة العلاج هيتغير
هاخد منشطات
وهاخد حقنة مفجرة
وهاخد تاموكسفين
والسيكلو
ودة كان اول شهر في الجوازكلة مرة واحدة لائن جوزي قعد معايا شهرين بس وسافر
اخدت كل دة في الشهر الا المفجرة كنت نسيت اروح لها
جينا الشهر التاني
اخدت نفس العلاج مع الحقنة المفجرة
وسافر جوزي بعد الحقنة ب5 ايام
وفي اليوم ال 16 من الحقنة التفجيرية
عملت تحليل حمل والحمدلله طلع ايجابي
ورحت للدكتورة
وطلبت مني 6 تحاليل
عملتهم وكلهم الحمدلله كويسين الا ان في نسبة صديد في البول بس هي قالت نسبة قليلة
وكتبت لي فلوريك اسيد
وانا حاليا في الاسبوع الثالث
ومعادي معاها
يوم السبت الجاي
ادعولي
ربنا يرزق كل واحدة نفسها تبقي ام
الحلوة لوزة الحلوة لوزة ممنوعة من المشاركة Fatakat 476454 المنصورة – مصر