السلام عليكم ورحمة الله وبركاته
حبيباتي عاوزة احكي لكم تجربتي مع اختي وهي بتولد في مستشفي الشيخ زايد
اولا هي مش مستشفي ولادة بس لاء هي كل التخصصات والكشف فيها رمزي جدا ب2 جنيه
المستشفي شكلها تحفة والنضافة كانها فندق 5 نجوم
الولادة فيها بتبداء من 150 جنيه وفي ب600 هي المفروض معمولة علشان اهالي المنطقة والمفروض انها مجانا بس يله المهم
اختي كانت عاملة متابعة مع دكتورة عندنا وحددت لها ميعاد الولادة ودي 3 ولادة لاختي وهي بتولد قيصري
المهم قبل الميعاد بيومين راحت المستشفي
لانها كانت مقررة انها تولد فيها لاننا سمعنا انها كويسة راحت المستشفي حوالي 9 الصبح ومعاها كل التحاليل والاشاعات اللي عملتها طول فترة الحمل
اكشفت وجددوا لها شوية تحاليل عملت شوية في المستشفي
وروحت عملت التحليل الباقي عندنا واخدت كل حاجة وراحت المستشفي طبعا الدكاترة كشفوا عليها تاني وقالولها ان هتولد النهاردة
وطلعوها الغرفة بتاعتها وهي عبارة عن 3 سراير لان هتولد 150 جنيه
لكن الولادة ام 600 ب2 سرير بس سرير للوالدة والتاني للمرافق
واختي كانت فطرت قبل ما تروح المستشفي
فاعدوها انتظار لحد الساعة 3 في الغرفة وانا معاها وجوزها واختي الكبيرة المهم الساعة 3 جت الممرضة واخدتنا الدور التاني عند غرفة العمليات ودخلت هي ومعاها 2 تاني هيولدوا
وكانوا بيعلقوا لهم محاليل وبيحضروهم للولادة
طلبوا مننا نشتري درنئة وفسطرة وده كل اللي طلبوه مننا وبس خرجت اختي بالسلامة وولدت انس الحمد لله
والبيبي لما بيتولد لو عنده مشاكل بيدخلوه الحضانة عندهم وده اليوم 15 جنيه تقريبا طبعا برة الحضانة ب500 جنية
لو الطفل مش محتاج حضانة بيدخلوه الدفاية حوالي ساعتين وبعدين يسلموه لامه
النضافة بقي مش هحكي لكم عنها
كفاية ان اقول لكم ان اختي ولدت يوم الخميس يوم الجمعة جم وردية من العاملات والله غسلوا الشبابيك والسراير والحوائط بالديتول
الغرفة لها حمام خاص لها الدكاترة بعد الولادة بحوالي ساعتين بيطلعوا يطمنوا علي كل الامهات
وده بعد ما تكوني اخدتي كل علاجك ومحاليل ومسكنات
وقبل ما تخرج الام بتيجي دكتورة نساء تكف كشف دقيق جدا علي الرحم كشف نساء ولما تطمن تكتب علي خروج
كده انا خلصت
انا كتبت الموزضوع ده تاني مرة اول مرة ضاااااااااااااااع ويارب المرة دي ينزل
وانا تحت امر اي واحدة عاوزة تسال علي حاجة
وربنا يقومكم بالف سلامة تفرحوا باطفالك
: مبتسم-الدعاء:: مبتسم-الدعاء:: مبتسم-الدعاء:: مبتسم-الدعاء:: مبتسم-الدعاء:
ام فهد 22 ام فهد 22 427342_2.gif فتكات ست الكل Fatakat 427342 الجيزة – مصر
سبحان الله و بحمده