تخطى إلى المحتوى

تجربتى مع البواسير ….والله كنت بموت وارتحت بفضل الله

  • بواسطة

السﻻم عليكم ورحمة الله وبركاته

يا بنات انا كنت بموت من الم البواسير ﻷنها زادت معايا والتهبت جدا بعد الوﻻدة وكانت هتموتنى وكنت خﻻص بسأل على العملية وبدور على دكاترة شاطين

وطبعا الموضوع دا كان عاملى قلق جامد وهم وغم والله ما يعلم بيه الا ربنا

اوﻻ بسبب كشف عورتى اللى محبش عمرى اكشف نفسى قدام حد ابدا حتى وانا حامل متكشفتش قدام حد بفضل الله تعالى

وثانيا عشان الم ومشاكل لعملية واللى هيراعينى بعدها وماما ست كبيرة وتعبانة ودا غير بنتى وشغلى وهم ما يتلم

يعنى انا كنت فى كرب ما يعلم بيه الا ربنا ومكنتش بنام من الالم وﻻ بقدر اقعد خالص من الالم الشديد والحمام دا بقى عذاب تانى كنت بعيط فى الحمام

المهم انا فتحت موضوع هنا على فتكات اسأل على دكاترة شاطرين وكدا وفى نفس الوقت مكنتش ساكتة كنت ببحث على النت على وصفات وعﻻجات للبواسير عشان تريحينى من الالم دا مكنتش قادرة استنى يوم واحد تانى

المهم وصلت لوصفات قولت اجرب حتى لو هتهدى شوية عليا

وجربت والحمد لله خﻻص ﻻ عملية وﻻ دكاترة وﻻ كشف عورات وﻻ ألم وﻻ هم وغم بفضل الله تعالى والحمد لله

وكتبت فى موضوعى السؤال هناك الوصفات اللى جبتها وجربتها ونفعت معايا

وادى الطريقة

1- نشرب الخلطة دى زى الشاى الكشرى كدا مرة الصبح ومرة باليل
(زعتر – بردقوش – نعناع – بابونج — ينسون – شمر – ريحان )
بنسب متساوية

2- اعملى حقنة شرجية نص سم او سم فى المستقيم بعد الحمام من زيت الكافور (ممتاز) أو زيت البارافين
وبعد الحقنة أدهنى بنفس الزيت بقطنة وأحطها فى الشرج وأنام بيها ( اكرر دا لمدة اسبوع) وكمان مع تناول مواد ملينة مانعة للامساك (وهقولك الحاجات اللى بتمنع الامساك تحت باذن الله)

3- ندهن بزيت البابونج على البواسير
أو نغلى عشب البابونج فى الماء (هتﻻقى البابونج عند العطار متوفر) لمدة 15 دقيقة ثم نبلل قطنة ونضعه على البواسير

4- تناول عصير لمون فى ماء فاتر قبل الفطار بساعة الصبح

5- التين المجفف ننقعه فى ماية ليلة كاملة والصبح نشرب الماية ونأكل التين (لمدة 3 اسابيع)

6- نغلى 2 فص توم مفروم فى 2 كوب ماء ولما يبرد نبلل قطنة ونحطه على البواسير

7- دهان خمس مرات يوميا بزيت الزيتون على فتجة الشرج ونحقن المستقيم قبل النوم بزيت الكافور (لمدة اسبوع)

8- الجلوس فى ماء ساخن إلى ان يصبح دافئ ثم ندهن بزيت الزيتون او زيت حبة البركة على فتحة الشرج

وطبعا دى كلها وصفات سمعتها كل وصفة لوحدها يعنى مش كلها وصفة واحدة تقدرى تختارى وصفة واحدة منهم او لو قدرتى تعمليهم كلهم اعمليهم بفضل الله

* الاكﻻت الملينة ولما الامساك يخف باذن الله دا بيساعد كتير على ان البواسير تخف بفضل الله :
أ- أكل 3 مﻻعق يوميا من بذور الكتان يوميا يعالج الامساك مهما أكل الشخص (منقول)
لو صعب تاكلى البذور هاتى زيت بذر الكتان نفسه وخدى منه تلت معالق متوزعة على اليوم كله

ب- البرقوق المجفف (اللى بنجيبه فى رمضان ) تنقعيه وتاكليه وتشربى منقوعه

جـ – 2 أو 3 مﻻعق من زيت الزيتون مع كل وجبة

(تختارى اى طريقة من التﻻتة لعﻻج الامساك او تعمليهم كلهم براحتك )

ولعﻻج البواسير ناكل اكل غنى بالالياف منها :

1- معلقة ردة على علبة زبادى

2- الشربة مفيدة جدا وخصوصا شربة الحبوب(الفريك – القمح – الدرة )

3- شربة الخضار

4- مننقوع البرقوق المجفف (بتاع ياميش رمضان)

—————————

بصى بقى حبيبتى انا لسة عارفة الحاجات دى ونزلت امبارح اشتريت كل اللى ﻻقيته متوفر منها ودا اللى انا عملته امبارح بس وانهردة لسة اليوم فى بدايته لسة معملتش حاجة ^^

بصى يا ستى

انا جبت الخلطة اللى بتتشرب (نشرب الخلطة دى زى الشاى الكشرى كدا مرة الصبح ومرة باليل
(زعتر – بردقوش – نعناع – بابونج — ينسون – شمر – ريحان )
بنسب متساوية

بس ملقتش النعناع والريحان دول اللى كانوا ناقصين …قولت مش مهم وخصوصا ان اكتر عنصرين فعالين فىالخلطة هما البردقوش والزعتر عشان هما مضادات حيوية قوية (على حسب ما سمعت)والبابونج تقريبا مضاد للاتهاب (على ما اذكر ) المهم ان الخلطة عندى كانت ناقصة بس النعناع والريحان

وعملتها امبارح بالليل وشربتهار دول اول حاجة

تانى حاجة واحدة بعتتلى على الخاص جزاها الله خيرا انى اقعد فى المطهر على الاقل تلت مرات فىاليوم فى ماية دافية لمدة ربع ساعة
وانا امبارح بالليل قعدت مرة ربع ساعة فى ماية بمطهر البيتادين (من افضل انواع المطهرات لو مكنش افضلها) ..ودى كانت تانى حاجة

واخدت معلقة من الملين الطبيعى (زيت بذر الكتان) شربتها زى الدوا هى مرة بس بمجرد ما تشربى ماية وراها وﻻ هتحسى بحاجة خالص

(المفروض تاخدة تلت معالق على مدار اليوم انا اخدت معلقة واحدة بس ﻷنى بدأت انفذ الحاجات دى بالليل قبل النوم ومن انهردةباذن الله هبدأ اخد تلت معالق على مدار اليوم ) ودى كانت تالت حاجة

وبعدين قبل ما ادخل انام اخدت لبوس اسمه (بروكتو – جليفينول) جبته من الصيدلية كمساعد مع الوصفات الطبيعيةوهو نوع كويس جدا …… وقبل ما احط اللبوس دهنت الراس بتاعته بزيت الكافور وبعد ما اخدت اللبوس دهنت فتحة الشرج والبواسير الخارجية (عفوا) بزيت الكافور برده وبعدين بليت قطنة بزيت الكافور برده وحطيتها فى الشرج ونمت بيها لحد الصبح

بس دا اللى انا قدرت اعمله لحد دلوقتى فى ليلة امبارح من كل الوصفات اللى جبتها عن طريق البحث دى

وبصراحة صحيت انهردة الصبح مرتاجة جدا بفضل الله الحمد لله …… الحمام كان اسهل (طبعا فى الم لكن اقل وانا لسة اول مرة لما استمر باذن الله هيخف اكتر واكتر ) ………وحسيت الاخراج لين وسهل مفيش امساك ……. وكمان نمت طول الليل مش حاسة بحاجة خالص وﻻوجع وﻻ الم وﻻ اى حاجة …هو الالم كان اقل بس فى عملية الاخراج وفى القعاد على الكرسى ﻷن لسة الحكاية فى اولها

وباذن الله انا متفائلة لما نستمر على الحاجات دى كام اسبوع او شهر باذن الله هتفرق كتير جدا ان شاء الله

ودى كانت تجربتى من اول ليلة من امبارح لانهردة الحمد لله ^^

وعلى فكرة لو انتى بتحبى الكرات انا سمعت فى احد البرامج انه مفيد جدا للبواسير وانه ورد فى الاثر انك لو اكلتى الكرات 40 يوم هيرفع البواسير وتخف بفضل الله
لكن انا مبحبوش فمقدرتش امشى علىالوصفة دى رغم انها سهلة

وربنا يشفى كل مريض يا رب يشفينا ويعافينا ويرضا علينا دنيا واخرة ويجعله تكفير لذنوبنا ..أللهم امين

طبعا الكﻻم دا اللى انا كاتبها فى المشاركة فى الرد فى الموضوع اللى كنت فاتحاه لكن انا دلوقتى مش بقالى يوم واحد وﻻ حاجة انا ماشية عليها بقالى مدة مش اقل من اسبوعين يعنى والحمد لله دلوقتى تمام مفيش الم نهائى وﻻ كأن فى بواسير من اساسه والحمد لله رب العالمين

ســها ســها 74982_2.gif سوبر فتكات Fatakat 74982 المنيا – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.