السلام عليكم ورحمة الله وبركاته
وأخيرا رحت سنتر الأهرام وعرض 6 أكتوبر وأقولكم تجربتى
أولا سنتر الأهرام اللى فى دوران شبرا
بصراحة هو فيه حاجات جميلة جدااا بس غالى خالص عن برا يعنى فرقت عن الحلة اللى انا اشترتها من برا فى السافلون 30 جنيه فى كل حلة
حتى العروض مش حلوة يدوب بسعر برا
نصيحة منى ما تروحيش عشان أسعارة غالية بس لو معاكى فلوس خلاص
ثانيا معرض 6 أكتوبر (عبده باشا عند كلية الهندسة )
بصراحة العروض جميلة جدااااا ورخيصة خالص
أما بقية المعروضات اللى ما عليها عرض مش عارفة أخبارها ايه ؟؟حبقى أسال عليها لما اروح ان شاء الله وأقولكم
انا بقى يا قمرات اشتريت
ماكينة الشبسى بتاعة التليفزون أرخص النص عن هنا
واشتريت سكرية استالنس
وعلبة جميلة للميكرويف
وزجاجات للمياة رووووعة عجبانى خالص
وجبت قالب صغير للكيكة
اللى ما عجنبيش فى العرض بصراحة اللبانة الاستالس والبراد كمان استالسهم اصفر
بس الكنك الاستالنس روووعة الصراحة
دى تجربتى حبايبى
انا اتعلمت منكم كده إنى ما ابخلش بحاجة ليكم
بس أطلب منكم
تدعو لبابا ربنا يرحمة
وتدعولى ربنا يختر لى الخير أينما كان ثم يرضينى به
زهـراء زهـراء فتكات نشيطة Fatakat 705649 القاهرة – مصر