تخطى إلى المحتوى

تايهة فى الحرم……….تم تفسيره ولله الحمد

حلمت خير اللهم اجعله خير انى خدت ولادى ورحت اعمل عمرة وكنت سعيدة ومتلهفة للحرم جدا ومن فرحتى سبت المجموعة ورحت مباشر على الحرم قعدت منتظرة الصلاة وابنى الصغير 5سنين على حجرى ومعرفش سمعت بياع ايس كريم وابنى شبط كعادته وقلت ياربى حتى فى الحرم هههههههههه المهم خدته على جنب وداريته عنه وشفت من مجموعتى زوجة واحد داعية محبوب بس بتبكى ومتضايقة فضلت اخفف عنها و لحد ما هديت وخدتها فى جولة بالحرم ابا حجيت قبل كده فقابلت ناس اعرفهم كتير من اللى حجوا معايا وكنت كل ما امشى فى مكان الناس بتقابلنى بترحاب شديد وود وقابلت واحدة المفروض حجت معايا وهى شاطرة ما بتضيعش وقت لقيت انها فتحت مطعم كبير بتبيع طعام مصرى جميل وعزمتنى انا وزوجة الداعية وطلبت اننا نطلب اى اكل وحنلاقيه فطلبت بتنجان مخلل كنوع من التحدى انى مش حلاقيه هنا فجات باطباق فيها اكل كان بامية بالطماطم ولحمة اشكال بالطماطم وهى بتحط قدانا الاكل جم ناس تانى اعرفهم بصحون اكل فيها نفس النوع حتى انهم حطوا الاكل على بعضه واكلنا كلنا وشبعنا وانبسطنا جدا والاكل كفى وفاض وانا اكلت من اللحمة كتير وطعمها كان روعة وبعدها كل واحد راح لحاله وهو مبسوط وانا سبت ولادى يلعبوا عند سلالم الحرم وفهمتهم يعملوا ايه عشان ما يتوهوشوحسيت بنعاس ونمت تحت ظل شجرة عند سور فيه بوابة ناس بتعدى منها كل اللى داخل وخارج يسلم عليه بود شديد كانى صاحبة كل الناس فقمت وقلت مايصحش انام ادام الناس لحسن رجلى تتكشف وانا فاكرة انى مش لابسة بنطلون تحت العباية واتعدلت كده وكانت عبايتى اترفعت فعلا لحد الركبة فبنزلها لقيت انى لابسة بنطلون تحت هدومى هو اسود بس مزين بخرز وكرانيش نفس اللون بس يميل لانه خفيف شوية وافتكرت انى ما اتصلتش بزوجى ولا لميت شنطى والعصر خلاص حياذن فرجعت بسرعة لميت عيالى ورحت لقيت كل الناس خدت شنطها ما عداى والشنط مفتوحة والحاجة باينة بس مافيش حاجة اتسرقت قفلت حاجتى وقلت اتصل بجوزى بعدالعصر والحق الفندق احط الشنط رحت كان فندق غريب وقذر مدخله كعمارة شعبية استغربت ومدخله فية مية مجارى والسلالم الحجارة باينة منها وواحد سعودى كان ماشى ورانا وبعدها سبقنى ووسمعت صوت ابنى الكبير بيعيط جريت عليه لقيت السعودى زقه واتعور وفضل يشتم علينا وسبقنا خرجت من الباب لقيت نفسى فى الحرم والناس بتطوف وما لقيتش الاستقبال وقفت ولادى برة لحد مالقى المدخل ومعايا ناس كتير برضه بندور على المدخل وانا خايفة على صلاة العصر

باكوغان باكوغان images/flowersavatars/avatar0026.jpg فتكات هايلة Fatakat 1044164 ارض الله – الدنيا

لقراءة ردود و اجابات الأعضاء على هذا الموضوع اضغط هناسبحان الله و بحمده

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.