ازيكم حبايب قلبى انا النهاردة هكتبلكم طريقة عمل بهارات السمك الريحة بتاعتها تحفة احلى من برة مية مرة وان شاء الله نقدر نعمل كل حاجة فى بيتنا ولا الحوجة للحاجات اللى بره الى الله اعلم العطار منظف الحاجة ولا حططلك حاجات مدة صلاحيتها انتهت ولا ولا و لا فى انس كتير مابقاش عندها ضمير ندخل على المقادير والطريقة وبعدين الصور
المقادير
م ك كزبرة ناشفة # م ك كمون # 2 م ص كركم انا حطيت كارى # 1.5 م ص شطة # م ص جنزبيل # 2/1 م ص قرنفل # 2/1 م ص حبهان # 2/1 م ص قرفة # 2/1 م ص روزمارى # م ص بقدونش ناشف مجفف
اطريقة
فى المطحنة وخلط كل المقادير مع بعضها وبعدين غربتها فى منخول ناعم والخشن رجعت طحنته تانى لحد مانعم خالص وريحته جنا
على فكرة الوصفة من هنا فى المدونة بس مش فاكرة الاخت اللى كتبتها علشان اننا بجمع الوصفات عندى فى اجندة وكنت بنسى اكتب اسم الاخت اللى نقلتهم منها ربنا يجازيها خير والىى عاوز وصفة لبهارات معينة يقولى وانا تحت امرة انا عملت انواع بهارات كتيرة فى البيت ووفرت طبعا كتيريييييييييييييييييييييييير
اسيبكم مع الصور
دى شكلها بعد الطحن شايفين لوناه حلو ازاى
ودى الكمية اللى عملتها ممكن تضاعفى الكمية انا المرة الجاية هضاعفها وادى حبة لحماتى بس انا لما بجرب الحاجة لاول مرة بجرب فى كمية صغيرة احتياطى يمكن تخيب معايا
يال اللى يعجبها الموضوع ماتنساش الدعوة الحلوة ان اصوم رمضان السنة دى با>ن الرحمن الرحيم وانا حاااااااااااااامل ويرزقنى بحمزة وعمر
بالله عليكم دعواتكم لو استفد حاجة من مواضيعى اما التقييم فده لضميركم وانا عارفة ماعنكوش ضمير هههههههه
بحبكم فى الله
مواضيع هذا القسم برعاية
ام حمزه المصري ام حمزه المصري 811880_2.gif سوبر فتكات Fatakat 811880 اسكندريه – مصر
سبحان الله و بحمده