بسم الله الذي لا يضر مع اسمه شيئ في الارض ولا في السماء وهو السميع العليم
انا حلمت ببنت صغيره والمفروض انها الي ف بطني (انا حامل في الحقيقه) وكانت قاعده ادامي هيا كان لونها خمري و شكلها عادي يعني مش وحشه وبرده مش حلوه اوي بس كانت كل سنانها موجوده وانا بقولها عايزه ايه اجيبه ليكي قالتلي عايزه لبن فقلت لاختي تجبلها لبن بسرعه فكأن اختي حطت اعشاب مع اللبن من غير ما تصفي البذر فاانا زعقت لاختي وقولتلها المفروض تصفيه وكده المهم البنت الصغيره دي اتحولت للممثل احمد بدير (وهو في سن الشباب ) وكان لابس بدلة وكرفته ومعاه شنطه سامسومايت وطالعلي ع سلم البيت الي فيه شقه ابويا وانا قابلته ع درجه من درجات السلم وبقوله عايز يشرب ايه (وانا بكلمه ع ااساس انه ابني ) فقالي عايز اشرب لبن بالبرتقال وتقريبا جبتله يشرب وكان في ست قاعده في وسط الشارع(انا معرفهاش في الحقيقه ومشوفتهاش قبل كده) عماله تقول يعني ان جالي عريس(على احمد بدير) واكيد انا هطير من الفرحه فانا زعقتلها جامد وقولتلها فيما معناه انها ملهاش دعوه واني مكنتش معنسه عشان افرح مجرد ما يجيلي عريس وانا في نفسي عارفه انه ابني بس مقولتلهاش النقطه دي
انا حالتي الدينيه معتدله ومتزوجه ومعايا بنت وحامل لكن مش متأكده من نوع الجنين (الدكتوره بتقول احتمال بنوته)
الحلم كان عادي مش استخارة واختي انسه وملتزمه جامد ماشاء الله
Pretty Cat85 Pretty Cat85 418883_2.gif فتكات متميزة Fatakat 418883 القاهرة – مصر
