السلام عليكم
انا كنت هنا اول امبارح بسال عن دايت
الحقيقة انا لفيت ودورت كتير على دايت مناسب
انا عملتلكم الموضوع ده عشان ندعم بعض نفسيا ونفرح بالنتايج
في فكرة هنا عملاها عضوة عجبتني جدا
بتنظم جداول وزن العضوات معاها في الجروب وتحط كحكه للي منزلتش وتحط نجمة للي خس وبتكتب كمان خست ازاي و دايتها ايه ولعبت رياضة وحركة اد ايه؟ عشان نبقا ماشين نظام 1+1
انا بقا هقولكو اولا
احساسك وانتي مليانه مش هقولك تخينه عشان كلمة بتنرفزنا
بتضايقي اد ايه وانتي رايحة تشتري طقم شيك اوي وشكله يطلع عليكي وحش جدا
بتعملي اي لما يوصفوكي يقولو فلانة التخينه او المليانة دي
بتحسي بايه وانتي مع خطيبك او جوزك وتشوفي بنات رشيقة ماشية قدامك كدة لابسين ولابسين
مش قصجدي جينزات وضيقات انا قصدي نفس طقمك بس عليها حلو اوي
اكيد بتحسي باحباط وانتي ماسكة اللهاليط دي الي بتدلدل من بطنك وجنابك ودراعك اللي مضايقة ونافخك
او انتي من النوع الي مليان من حتت وحتت
دلوقتي هنكافح اللهاليط و الدهون والشخابيط وهنتظبط
وكمان هنحصل على بشرة صاافية بالخميرة الي هنشربها هتفهمو دلوقتي
وكمان هنعالج نقص الحديد الي عندنا ومش هيجلنا انيميا
وهنقوى وصحتنا هتتحسن
عاوزة كل واحدة تكتبلي شغلها او دراستها وهل يناسبها رجيم قاسي وةلا عادي ومدى حركتها محدوةد او لا ولو محدود في وقت تروحي جيم ولا لا ؟ راكبة عربية ولا بتمشي؟ ولو بتمشي بتمشي اد ايه؟
بتحبي اكل ايه؟ ومبتقدري تقاومية؟
بتاكلي دليفري وجانك فود غصب عنك؟
ايه البدايل؟
كل ده هنتكلم فيه هناااااااااا
ومش هنغير مكانا باذن الله
قائمة الممنوعات ونقول بسم الله
وزي ما اتفقنا الكلام يتنفذ من لحظة قراءته مفيش ححاجة اسمها بكرة
هقولك ممنوعاتك وليه لا؟ عشان تبقي مقتنعه اهم حاجة الاقتناع يا بنات لو مقتنعه هتخسي والله اسرع مرتين!
المشروبات الغازية حمض كربونك خط احمر
التسالي ولب وسوداني زيوت نباتيه
الشيبسي نشويات وزيوت
الشيكولاتة سكرريات دهونيات كاكاو وزيوت نباتية وصناعية
اللبان المسكر اوي ده بلاش سكر صناعي
الحلويات كلها سكررررر ودهون
بوزو ودوزو وحنتوزو الملح بيحبس الماؤ في الانسجة ويخليكي منفوخة زي منتي ودايما جايبلك احباط قدام الميزان
المخللات والمملحات والمنيلات زيها
العصاير الصناعية ام سكر اوفر دي
العيش الفينو نشويات عالية
الطحينة فيها سمسم والسمسم عدو الدايت لو كلتي سمسمة وحدة انسي انك تخسي م بالك بالطيحينة؟ مش بتفكرك بكلمة طينة؟ اهي طينة !
السمسم على ايييي حاجة
اي مشهيات مش ناقصة فتح نفس يا اختي منك ليها
الحلاوة السودة هههه عشان بحبها المفتقة دي كلها زيت ولوز وجوز وشبرموز؟؟؟؟ بلاش ها بلاششششش
جوز الهند المبشووووور ده بلاش منه با جمااعه
الطماطم عندها قدرة فظيعه على حبس الماية
بالتالي كل المطبوخ بالطماطمات والصلصات بلالالالالالاش منه
الاملاح الزيادة اي حاجة مالحة اوي بلاش
دي ممنوعه اطلاقا بتاتا البته
الي منكو هتكسر رجيمي هقتلها انتو احرار!
بنات متنسوش فيتاميناتكو الصح
فيتازينك ناخد قرصين في اليوم
[IMG]file:///C:/Users/Nona/Pictures/20160124_155401.jpg[/IMG]
الخميرة طبعا مرتيين قبل الاكل بساعة كدة حلو
[IMG]file:///C:/Users/Nona/Pictures/20160124_155318.jpg[/IMG]
اي يست كفاية مرة وحدة لانك اخدة خميرة
[IMG]file:///C:/Users/Nona/Pictures/20160124_155342.jpg[/IMG]
الحديد معلش خلص من عندي ودي صورة نت
ارجو التثبيت بقا وسمعوني احلى دعوة
الحامل والمرضعين بلاش يا جماعة ممكن نعملهم دايت خاص
ريجيمنا تتبيعيه امتى؟ لو انتي طبيعية او مريضة بالضغط العالي او المنخفض او السكر والباقي مستثنى
هعلمك المرة الجاية ازاي تحسبي السعرات الحرارية بالصصصصصصصصور فالي بتكلية و هتزيدي عليه اد ايه ولو حرمتي نفسك هتنقصي اد ايه؟؟ ودي مهمه اوي؟
وشوية تحاليل دورية لازم نعملها؟
و الحركة ايه؟
استنوني بعد الفااااااااصل عشان جايلي ضيوف
رجو التثبيت مشرفة القسم العزيزة
ارجو التقييم يا بنات
احبكم في الله
نانو
nanona nono nanona nono فتكات نشيطة Fatakat 605468 القاهرة – مصر