بســــــــــــــــم الله الرحمــــــــــــــــن الرحيـــــــــــــــم
السلام عليكم
ازيكم يابنــــــــــــــــــات عاملين ايه فى الحر ده ,ربنا يهون علينا الحر يـــــــــــــــارب
اولا الموضوع فيه جزئين ,جزء ازاى تسلقى اللحمة بطريقة برده جديدة وكمان باذن الله مش هتكش معاكى ,
ثانيا جزء بتاع البرام الطبيخ للبطاطس والبامية ,وربنــــــــــــــا يستر على اللى هيطبق
طبعا دى صورة للمنتج النوهائــــــــــــــــــــــــــــــــــــــــى
دى البطاطس
ودى الحلو البامية المقمعة ,شرفتى اخواتك الاربعة
ملحوظة بس البرام ناقص عشان كان عندى حد صغير زنان ,كان لازم ياكل قبل مايجى ياكل المدونة كله
خلى السر ده كده فى بير
واما شوف بقى اللى مش هتقيم انا العب معاها استغامية ولما امسكها هحكم عليها حكم يلا اللى مش هتقيم تعاقب نفسها
نقول بســــــــــــــــم الله الرحمــــــــــــــــن الرحيـــــــــــــــم ويلا بينا على المطبخ
دى مقادير سلق اللحمة
1 طماطم
1 جزر
1 بصل
1 بطاطس
ورق لورى ( 4 ورقات)- حبهان( 3 فصوص وياريت تفتحى الحبهان عشان يطلق النكهه) -سكر(معلق كبيرة) -فلفل اسمر -بهارات(معلقة صغيرة) -ملح
ماء مغلى
لحم
فى الحلة نحط معلقتين سمنة ,او معلقة زبدة على معلقة زيت ولما نحس انها بتقدح نحط اللحمة عشان نديها صدمة وماتنزلش العصارة اللى فيها
ونفضل نقلب فيها وبعدين نضيف كل الخضار و البهارات وورق اللورى ( بس مش هنضيف الملح دلوقتى عشان بياخر تسوية اللحمة )
بعد كده نحط عليها مياه مغليه عشان كل التشويح والصدمة اللى ادينها للحمه ماتروحش وترجع تكش لا مش لازم تبرد تانى يعنى مياه مغليه
ونسيبها تستوى لحد قرب ماتستوى نحط الملح ونظبط الملح بتاعها وده شكلها بعد مااستوت (انا هنا سوتها تلات اربع تسوية عشان لسه هتكمل سوا بعدين)
الافتكاسة هنا فى سلق اللحمة ان التوابل والخضار اما يتشوح مع اللحمة ,بتاخد كل النكهات
السكر بيخلى اللحمة تستوى بسرعة
الصدمة اللى ادينها للحمه والميه المغلية بتخليها باذن الله ماتكشش
وانا بغسل اللحمة بحط شوية ملح واسيبها على ماجهز باقية الشغل وارجع اغسلها من الملح فبتتغسل كويس ومن غير زفارة ليها
ندخل بقى على البرام والخضار
دى مقادير برام البطاطس لفرد واحد وانتى ممكن تضاعفى الكمية براحتك
بطاطس
بصل شرايح
توم
وفلفل اخضر
ودى مقادير البامية
بامية
عصير طماطم (هنستخدمة هنا وفى البرام التانى )
حته دهن ضانى (لو مش عندك مش مشكلة خالص- دى بس عشان الدايت الفظيع)
بصل مبشور
توم وكسبرة ناشفة للطشة
نقول بسم الله الرحمن الحيم
هنيجى فى حلة نحط معلقة سمنة ونحط بعدها الدهن الضانى تتشوح عشان تطلع ريحته ,ولما السمنة تسخن ,نحط معلقة سكر معاها ,ولما يبدا السكر يغير لونه نحط البصل
السكر هنا عشان حموضة الطماطم
وبعدين لما البصل يغير لونه نحط عصير الطماطم ولما تبدا الطماطم تغلى نحط اللحم تكمل تسوية معاها
افتكاسة تانية
عشان لون الطماطم لو اتضرب مش بيبقى احمر كده فبحط مع الطماطم وهى بتتضرب صلصة
وكمان شوية شوربة ومعاها البصل اللى اتسلق مع الشوربة والطماطم اللى كانت فى الشوربة والجزر اللى اتسلق كمان
ومكعب مرقة دجاج
وكل دول اضربهم فى الخلاط
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة