السلام عليكم
شوفوا بئى حبايب قلبى
طريقتى فى عمل الفته والكوارع
واللى بفضل الله اكتر من رووووووووووووووعه
نبدأ بسم الله
طريقة عمل الفته والكوارع :_
___________________
اولا:الفته:_
شوفى عدد افراد اسرتك اد ايه و اعملى رز ابيض عادى خالص بس يكون بالسمنه البلدى او بالذبده
و على ما يتشرب الرز تجيبى صنيه و تقطعى فيها عيش بلدى حتت صغنونه و تحطيهم فى الصنيه
و تحطى عليهم حتت سمنه بلدى صغنونه او زبده كام حته كده على الوش
و تدخليهم الفرن او تحطيهم تحت الشوايا عشان يتحمصوا بس اوعى تنسيهم هما دقيقتين
لو فرنك حامى تطفى الفرن و تقلبي العيش و تسيبيه كمان شويه لحد ما يحمر
تيجيبى حله وتحطى فيها توم مدقوق وحته سمنه وتشوحيها خفيف
و بعد ما يحمر الثوم حطى عليه شويه خل و تقلبى و شيلى حبه قبل ما تحطى الصلصه على جنب
وبعد كده حطى عصير الطماطم وسيبيها تتسبك وحطى معاها معلقة صلصلة جاهزة و حبه شوربه من شوربه الكوارع
و تقلبى و تسيبيها شويه على النار
فى الصنيه الى فيها العيش تحطى على العيش شويه رز ابيض و تقلبى كويس العيش مع الرز
و تحطى عليهم شويه شوربه و شويه الدقه الى احنا شيلناهم على جنب (التوم والخل)
و بعدين تحطى رز ابيض على الوش على كل الصنيه و على الوش تحطى الصلصه
و تتاكل فى ساعتها عشان العيش يكون لسه ناشف ومايكونش باش .
ثانيا:الكوارع:_
تغسلى الكوارع وتتبل بالملح والفلفل والثوم المدقوق وتتحط على نار هادية فى حلة
عشان تخرج الماء بتاعها كله وتغلى وتتشربه بعد ذلك تحطيلها كمية كبيرة من المايه المغليه للسلق
وتحطى ورق لورة وحبهان فى مية السلق
ولما تستوى كويس اوى طلعيها وقطعيها حتت صغيرة واخليها من العضم
وقدامك حاجه من الاتنين يااما تحطيها على وش الفته كده مباشرة وتعصرى عليها ليمون
يااما تحطى الكوارع فى صينيه وعليها حته سمنه وشويه صلصه من بتوع الفته وتدخيها الفرن تتحمص
ولما تخرج حطى فوقها باقى مكونات الفته بالترتيب اللى فهمتهولك
او اعكسى وحطى الفته الاول والكوارع المتحمصه ديه على الوش
وطبعا مادمتى بتعملى فته كوارع يبئى بتستخدمى شوربتها فى كل حاجه
وبالهنا والشفا
مواضيع هذا القسم برعاية
مسلمة غيورة مسلمة غيورة 548636_10.gif برنسيسة فتكات Fatakat 548636 الدمام – السعودية