ازيكم يا قمرات يارب كلكم تكون بالف خير وسعاده
انا مش عارفه اقولكم بجد انا بحبكم قد ايه ولا اشكركم ازاى والله بجد انا استفدت منكم كتيييييير اوى وبنصايحكم ليا وارائكم بجد شكرا اوى ليكو
المهم انا كنت بسال عن المراتب والانواع وكده ونزلت لفيييييييييت على كل التوكيلات بتاعه المراتب وشفت بعينى الانواع كلها واتنططت عليها كمان
والحمد لله استقريت فى النهايه على مرتبه يانسن كتاركت واعتمدت فى اختيارى على ان المرتبه تكون مريحه مش ناشفه اوى يعنى وماتكونش بتحرر وده اللى لقيته فى المرتبه دى لانى مش عاجبانى خالص فكره الجه الصيفى والوجه الشتوى دى لان الوجه الشتوى بيبقي معمول من الفايبر طب افرضو بقي ان انا فى الصيف حبيت انى اقلب المرتبه واهويها عن الجنب بتاعها هنم بقي على الفايبر يبقي هتسلق وانا نايمه
اللى عجبنى بقي فى المتبه دى انها كلها قطن ومزوده بطبقات من القطن اكتر من الانواع التانيه
ملحوظه يابنات اللى طلعت بيه ان اغلب الشركات والمراتب شبه بعضها اوى بس وانتو بتختارو شوفو انتو استخدامكو وراحتكم فى ايه واسالو عن مكونات المرتبه هتعرفو ان شاء الله تختاو اللى ناسبكم ويريحكم
المرتبه كانت مقاس 160 فى 195 ارتفاع 25 سم ب 1700
ميما اليكس ميما اليكس 779920_4.gif فتكات رائعة Fatakat 779920 الاسكندريه – مصر
سبحان الله و بحمده