ازيكم يا فتوكات .. انهارده هقولكم يعني ايه " مساج تنحيفي " وإيه هي " جلسات حرق الدهون " وإيه فوائدها وهل ليها آثار جانبية ولا لأ ؟؟
المساج التنحيفي : عبارة عن مساج ممكن يتعمل بكذا طريقة , ممكن بزيوت زي زيت الزيتون وزيت الجنزبيل , والتدليك بيبقى أفضل إنه بجهاز مساج بيبقى بسرعات معينة , وبيتركز على المنطقة اللي عايزين نشدها أو نخسسها. وفيه طريقة تانية إنه بيتم استخدام جهاز بيطلع حرارة وبيسخن المنطقة اللي عايزين نركز عليها لمدة ربع ساعة وبعد كده بيتبعها المساج بجهاز المساج على سرعات محددة. وده بيفيد في شد الترهلات بعد فقدان الوزن , أو فيه ناس مبتخسش بسرعه في مناطق معينة في جسمها والمساج ده بيساعد الدورة الدموية إنها تزيد في المنطقة دي ويتم حرق الدهون الزائدة.
جلسات حرق الدهون : دي بتتعمل بأجهزة مختلفة ممكن تبقى أجهزة حرارية بتطلع حرارة بدرجة معينة عشان تساعد بتنشيط الدورة الدموية وحرق الدهون في المنطقة. وفيه اجهزة تانية بتطلع نبضات كهربائية ودي بتساعد بردو في جريان الدورة الدموية وشد الترهلات والعضلات اللي في المنطقة دي.
والجلسات دي ملهاش أي آثار جانبية لأنه تعتبر بتنشط الدورة الدموية وبتشد العضلات مش أكتر ومفيدة جدا للناس اللي خست وعندها ترهلات او مثلا بتساعد عشان نخسس الكرش.
وانا جربت الجلسات دي وأنا بخسس وساعدتني خالص وكمان كان ليها اثر نفسي عليا وكانت بتعملي استرخاء وراحة نفسية.
لو فيه حد من الفتوكات من اسكندرية وقريبين من سيدي بشر قبلي وعايزة تروح المكان اللي روحته وتعرف اسعاره ومواعيده ابعتولي على الخاص وهبعتلكم كل حاجة عايزينها , المركز ده جميل جداً وأسعاره حلوة ودكتور الدايت هناك كويس وشاطر وانا خسيت معاه 12 كيلو الحمد لله في شهرين ونص
امرأة الإسكندرية امرأة الإسكندرية ممنوعة من المشاركة Fatakat 550761 الإسكندرية – مصر