ازيكم ياقمرات
قبل اي حاجة يارب يكرمنا كلنا بالذرية الصالحة قريبا غير بعيد يارب اللي نفسها تبقى حامل تحمل قريب يارب دعاءنا لنفسنا ولبعضنا يستجاب
انا عاوزة اسالكم سؤال انتو بتاخدوا منشطات ايه وكام مرة يعني كام حقنة وبرشام اد ايه وكدا ولغاية اليوم الكام من البريود
انا عندي تكيس وربنا رزقني بنت ربنا يخليهالي وعقبال كل اللي نفسها ربنا يكرمها يارب طبعا حملت فيها بعد عذاب و ده مش مجال اني احكي على قبل الحمل بس متهيالي انتو فاهمين انا اقصد ايه التكيس ومتابعات التبويض والمنشطات عاوزين صبر وحكمة
اللي انا عاوزة اتكلم فيه ان انا بقالي تسع شهور ودي عاشر بريود تنزل في محاولتي التانية انا نفسي احمل تاني بس للاسف حالتي اسوا من قبل الحمل واستجابتي اسوا انا خدت تنشيط تبويض تلات شهور ولما ملقيتش استجابة خدت مانع حمل تلات شهور ورجعت خدت تنشيط تاني وللاسف التبويض اتحسن شهر واحد بس ورجع تاني
انا خدت اعلى جرعة تلات اقراص نولفادكس في اليوم من اليوم التاني للسادس من البريود واربع حقن فوستيمون والجرعة دي قليلة ليا التبويض وحش الدكتور اللي انا ماشية معاه مبيحبش يدي منشطات كتير قالي نعمل المنظار
انا عشان مااستعجلش روحت لدكتور تاني خدت رايه قالي دي جرعات صغيرة اوي انا عاوز اديكي تمان حقن مريونال عشان المريونال اقوى من الفوستيمون ولو احتاجتي كمان نزود والشهر الجاي نعلي كمان الجرعة واللي بعده نعليها كمان مرة ولو محصلش حمل خلال التلات محاولات دول نعمل منظار مش عشان التبويض بس وعشان نشوف محصلش حمل ليه كمان
سؤال كمان ربنا يخليكو ليا الفوستيمون فيها fsh بس اما المريونال فيها fsh و lh كمان تفتكرو لو خدت المريونال واصلا lh عندي عالي بسبب التكيس كده كويس ولا ايه ياريت تفيدوني جزاكم الله خير
بحبكم كلكم
لوليتا فراولة لوليتا فراولة سوبر فتكات Fatakat 465574 شقتي – معاكم على سطح الارض
سبحان الله و بحمده