ازيكم يا فتوكات
انا عرفت ان في مصر المحشي بيتعمل بطريقه ممكن تكون بالنسبه ليكم حلوه و طعمه حلو بس لما دقته ما عجبنيش
عشان احنا بنعملو محشي تشمي ريحته على بعد ميل و لما عملته في مصر في عزومه من شهر مارس اللي فات طعمه ما اتنساش و لسه بيتكلموا عليه لحد دلوقتي و مش فاكرين المحشي بس لا فاكرين طعم كل الاكل بس دلوقتي خلينا في المحشي الاول
المقادير
5 بصلات كبار + 2 حزمة كسبره +2 حزمة بقدونس + ربع كيلو لحمه مفرومه + 2 طماطمايه متوسطه + 2:1 قرن فلفل اخضر حامي (يمكن الاستغناء عنه ) + نص كباية رز + 4 معالق زيت زيتون أو زيت ذره + 2 معلقة صلصه + معلقه صغيره ملح + معلقة صغيره كركم + ربع معلقة جنزبيل
+ نص معلقة صغيره توابل + نص معلقة صغير فلفل اسود + ورقة نعناع مجفف ( يمكن الاستغناء عنه ) قلبيه و احشي و رصيه في الحله و حطيله كبايتين ميه و حطيه على النار و لو عايزاه احلى و احلى بدل الميه حطي شربه و لو مفيش شربه دوبي مكعب ماجي في كباية ميه و حطيه و لما يستوي و تتأكدي ان ميته نشفت و تطفي عليه ممكن تحطي عليه معلقة سمنه و تغطيه شوية
و مش أول ما تطفي تغرفي ( هيتفتح منك و الرز هيطلع و يبقى شكله مش لطيف ) استني عليه شوية
ما تغرفيهوش بمعلقة و تفضلي تحطي واحده واحده و تفقعي مرارة اي حد لا هاتي صنيه اوسع من الحلة بشوية و اقلبيه عليها و بكده اتغرف كله في وقت قصير و مافيش وحده مكسورة و مفيش رزاية باينه …
و بألف صحة و هنا
جربيه و لو عجبك قوليلي عشان اقولك على باقية العزومه.. و لو ما عجبكيش قوليلي برضو مش هزعل
مع حبي مواضيع هذا القسم برعاية
العذراء88 العذراء88 766435_2.gif فتكات رائعة Fatakat 766435 اسكندرية – مصر