بسم الله الرحمن الرحيم
انا عملت من فتره لحمه بعصير عنب احمر
بدون سكر
يارب تعجبكم
زي ما عجبت
زوجي والاولاد وانا طبعاااااااااا
المقادير
نص كيلو لحمه مقطع مكعبات
معلقه توم مفرومه بفلفل احمر
ومعلقتين سمنه او زبده
ملح وفلفل اسمر حسب الرغبه
معلقه مسطرده
خل عنب احمر اختياري يدوب معلقه
كوب ونص عصير عنب احمر طبيعي بدون سكر
روز ماري اختياري
الطريقه بقا
قطعت اللحمه مكعبات
زي ما نتوا شيفين
جهزت المسطرده والروز ماري جنبي
وده عصير العنب الاحمر الطبيعي بدون سكر
هو جهينه
وجنبه برطمان
بفرم ديما التوم مع الفلفل الاحمر
مع شويه زيت وملح
وديما عندي في التلاجه
بيساعدني كتير
جدا
وافضل طريقه لتخزين التوم
جهزت حله تيفال وحطيت فيها السمنه
او الزبده
حطيت لحمه متبله بملح وفلفل
فيها
وقلبت وشوحتها كويس
بعد نا اتشوحت ركنتها في طبق بره
تنزل الصوص بتاعها
ده شكل الصوص بتاعها في الحله
مع السمنه
هاضيف بقا التوم
دلوقتي المفروم مع الفلفل الاحمر
ضفت التوم دلوقتي على السمنه اللي فيها
صوص اللحمه المتشوحه
دلوقتي بعد تشويح التوم
ضفت الخل الاحمر
والمسطرده
والعصير وقلبته كويس
وهاسيبه لحد لما يتقل
ويغلي
بدا يغلي اهو
وضفت عليه الروز ماري
بعد ما غلى
ضفت اللحمه لحد لما تستوي
ويقل الصوص ويتقل
اتفضلوا بالف هنا
يارب تعجبكم
وعلى فكره ممكن تطبقوا ده كله
بس بعصير التفاح بردوا
روعه
بس انا قلت اجرب العنب كده
طلع خطير
وريحته قلبت البيت والسلم
لحد ابله بودي عجبتها
ودقتها
قبل ما تمشي
متنسوش التقيم بقا
البرنسيس مواضيع هذا القسم برعاية
Like Princess Like Princess 125095_85.gif مشرفه عامه للموضه والجمال Fatakat 125095 في مدونة فتكااااااات غالباااا وفي البيت طبعااااااا – في دنيا الله الواسعه ويارب اجعل اقامتي في الاخره بجوار حبيبك محمد عليه الصلاه والسلام