السلام عليكم ورحمه الله وبركاته
ردي السلام يا فتوكه منك ليها
انا عملت كبسه وكل واحد فينا له اعتقاد انه الكبسه مش هاتبقي كبسه الا ب ،،،،،،،،،،،،،، حطي اعتقادك واكملي الفراغات :
miley-laugh:
وانا يعني مش مولده بعرف اعملها ده انا ليه فيه صولات وجولات
مره نوع الرز مش حلو
مره نوع الرز اجيبه حلو ويعجن
مره تطلع تلطش بس ده مينمنعش اننا نجيب رز كويس
كوهينور وبنجابي الوليمه ابو كاس كل دول انواع كويسه
لغايه ما عزمتني جارتي السعوديه علي كبسه قلتلها تعاليلي
انا عاوزه كبسه من دي
قالتلي انتي تقوليلي علي المحشي وانا اقولك علي الكبسه deaaaaaal قلت deaaeeeel
وعجبني بقا انها مش متعصبه ههههههه يعني متقوليلش لازم ولابد طماطم وجزر
وعموما انتي واختيارك المهم رأس القصه هنا الرز لو طلع حلو وناجح هاتسيبي اللحمه وتاكلي الرز وصلصته
نقول بسم الله وقبل ما نبتدي
نحط النقققققققط ع الحروف وتقييمي وتكتبي بصوباعك الصغنون وتكتبي كومنتك الغالي علي قلبي بنفس الصوباع
ده شرط هههههههههههههه
الاول نتعرف علي بهارات الكبسه الاساسيه التي لا يضاهيها مطحون جاهز ولا غيره وده شكلها
قرفه اعواد وقرنفل وكمون وينسون وخولجان محدش يسالني يعني ايه لاني معرفش
لومي اسود كسبره حبهان ورق لورا ورق خضره كده بس نسيت اسمها جنزبيل مجفف
ودي بتشتريها جاهزه من العطار
الحاجات الكبيره دي صعب جدا طحنها فلو حبيتي منها مطحون خليه هو يطحنها عنده قدامك
واللحمه ضاني يفضل كده طبعا بالعضم وده له فضل كبييييير في الرز
نقطع بصل ومش مهم يكون شكله ايه كل ده مش هيبان ممكن في الكبه او عادي شرايح
نحط في حله الضغط انا بحب اشتغل فيها علطول نحط فيها السمنه
نعمل الكشنه ههههههههه سمعتها من جارتي وموت من الضحك
يعني البصل مع السمن
وبعدين نحط البهارات معاها تتحمص وتخرج منها نكهات الكبسه وتشميها قبل ما تطبخيها
وبعدين اللحمه وفتحت بس اللومي بطرف السكينه
وبعدين نضيف ميه مغليه
سبتها في حله الضغط نص ساعه ولما تخلص اصفيها من اللي فيها وانشل اللحمه
وبعد كده بكون ناقعه الرز نص ساعه ميزدش عن كده
او ربع ساعه ممكن
بحط لكل كوب رز 2 كوب من المرق و2قرن فلفل حار هاتندمي لو محطيتهوش ههههههههه بيدي ل الرز طعم فظيع مع عود قرفه خشب وفصين حبهان و واحده فرنفل
و بعدين هانرجع اللحمه تاني علي الوش
والمفاجأه بقا انك هاتسوي الرز بحله الضغط والحقيقيه دي فكرتي اقتبستها من مطعم لما شفتهم في الخفاء هههههههههه
وفينا نعمل الرز لونين ناخد شويه لوحدهم ونسلقهم مع كركم او زعفران
زي ما تحبي
واظبطلي ساعتك السيكو علي 10 دقايق لا زياده ولا نقصان ولا هاتردديه هما 10 دقايق فقط
ودي بعد ما خلصت
انتظروني المشاركه القادمه ان شاء الله
ولا تنسو التقييييييييييم
ومبروك رجوع سيرفر فتكات بس لسه تقيييل
مواضيع هذا القسم برعاية
haneen_75 haneen_75 90893_1.gif فتكات ست الكل Fatakat 90893 جده – المملكه العربيه السعوديه