زهقتى من الفراخ التقليديه
مشوى محشى كنتاكى مسلوق محمره
تعالى دى وصفه سهله جدا وممتازة
جربيها على ضمانتى
هاتى دبابيس الفراخ
ممكن اى قطعه فى الفرخه على فكره وممكن كمان فراخ بانيه
بس هنا دبابيس فراخ
نص كيلو بصل او اربع بصلات كبار
5 او 6 قرون فلفل رومى
فص توم
علبه مشروم او طبق مشروم فريش
التوابل الى تفضليها
زيت وزبده
هتجيبى طاسه او حله وتحطى البصل يتشوح
وعليه الفلفل والتوابل والتوم لو بتحبى الحراق حطى قرن فلفل حامى مع الرومى هيدى طعم وريحه جنان ممكن كمان فلفل الوان
نشوحهم لحد ما يدبلوا كدا
نحط الفراخ
نحط المشروم
ممكن نزودهم سنه مايه
لحد مايستوى مع تغطيه الحله او الطاسه كويس علشان تستوى
وتقدم مع الرز الابيض او واحده وواحده
الف هنا وشفا ورمضان كريم مواضيع هذا القسم برعاية
قطر الندى999 قطر الندى999 images/avatars/whiteflower.jpg سوبر فتكات Fatakat 248079 القاهرة – القاهرة