ازيكم يا احلى فتوكات وحشتونى اوووووووووووووى
ها اخباركم ايه يارب تكونو بخير
ايه ولادك مغلبينك مبيحبوش الاكل التقليدى
بتحبى الحجات الملونة والمفيده
تعالى ورايا المطبخ وانا اقولك تعملى اكلة تنفع للعزومات وكل الناس هتحبها
وكمان بسيطة اوى وسريعة
نبداء بسم الله
ودى صورة تجويعية
المقادير :-
نص كيلو فراخ بانيه
وحبة لوز
واراصية طريه
وملح وفلفل اسود
اما عن الحجات الملونة دى تبقى بطاطس ومقديرها
2 بطاطساية
1 علبة زبادى او قشطة س هتبقى دسمه شويه وانا بعمل ريجيم
2 لون طعام
الطريقة :-
– هنحط ميه ع النار تغلى وننزل فيها اللوز كده
– نسيبه يغلى 4 دقايق لحد ما يبقى عامل كده والقشره تتملى ميه علشان يبقى سهل التقشير
– تغسل البنيه ونفرده ونرشه ملح وفلفل اسود
-نشيل البذر بتاع الاراضية وعلشان تبقى سهلة قولت نجبها طرية هتبقى سهلة اوى نفتحها بحرف السكينة من ناحية واحده ونطلعها بسن ظفرنا ونفرغها كده
– ننزل اللوز ونحط عليه ميه ساقعة ونقشره وخلصنا الراصية وادى شكلهم اهوه
-نحط جوه الاراصيية لوز واحد او 2 زى ما تحبى ونقفل عليها كانها بذتها كده
– نحطها على طرف البانيه المرشوش ونلف كده
– نثبتها بعود خله كده
– نحطها على صينية ورق فويل مرشوشه زيت وملح وفلفل وندخلها فرن متوسط لمدة 20 دقيقة ومنهم دقيقة ع الشوايه
– للبطاطس البيوريه
هنجيب طبقين ولونين وبطاطسيتين ونهرس كل واحده بطبق
ونقسم علبه الزبادى ع الطبقين
– ونحط عليها اللون انا حطيت احمر وازرق
– ونهرسهم كويس لحد ما يبقة كده
-نجيب طبق السرفيس ومعلقة الايس كريم
-ونبتدى نكور البطاطس بيهم بالشكل ده
– وعلى ما نخلص هتكون البانيه خلص ونقدمهم بالف هنا
وكده خلصت وبالف هنا ع قلبكوا لو عجبكم الموضوع متنسوش التقييم يا فتوكات واللى هتجرب تبعتلى حبه وتدعيلى باصلاح الحال
والاكلة الجايه هتبقى بسكوت الفراولة شجعونى بقى
مواضيع هذا القسم برعاية
ana chef ana chef 918878_4.gif فتكات نشيطة Fatakat 918878 القاهرة – مصر