بسم الله الرحمن الرحيم والصلاة واسلام على اشرف المرسلين
سيدنا محمد علية افضل الصلاة والسلام
حبايبى الفتوكات وحشتووووووووووونى قووى
النهاردة موضوعى عن الغدا الى عملتة فى عيد جوازى
والى مشفتش الموضوع الاول فى عيد جوازى
https://fatakat.univanet.com/#4376936
وفى كل حاجة عملتها بالتفصيل وباقل التكاليف
دة بالنسبة للتورتة والزينة اما الغدا كان
فراخ محمرة ورز بالمكسرات وشوربة الكريمة
ندخل بقى فى طبق طبق
اول حاجة الرز ودة ياجماعة شفتة فى عزومة وعجبنى
جدا وسالت صاحبة العزومة على طريقتة وعملتة
وهو عبارة عن :
1كوب ارز مصرى او بسمتى
نصف كوب شعرية
1ونصف كوب ماء مغلى
كبد وقوانص
مكسرات انا حطة لوز
البهارات :
نصف معلقة فلفل اسود
نصف معلقة كارى
نصف معلقة بهارات مشكلة
ملح وفلفل
ورقة لورا
فصين حبهان
الطريقة:
نحمر الرز فى سمن على زيت لحد ما يبقى دهبى
بعد كدة ننزل بالشعرية
هتلقوها اتحمرت بسرعة شيلى الحلة من غلى النار وحطى بهاراتك وتكونى محضرة الماء المغلى
هتخدى الحلة تانى على النار وتقلبى تقلبتين علشان البهارات ريحتها تطلع وتحطى المية المغلية وتسوية عادى
زى اى رز
الكبد والقوانص تقطعيها صغير وتبشرى بصلة
تقلبيها فى حتة سمنة لحد ما تصفر تحطى عليها القوانص الاول وبعد ما تستوى تحطى الكبدة هى ما بتاخدش وقت
اللوز تحطية فى ماء مغلى وتنشلية هتلاقى القشرة اتشالت تحمرية فى شوية سمنة
ودوقى احلى طبق رز سهل وشيك جدا
الشوربة :
سهلة قووى يبنات ولذيذة
وممكن بنفس الطريقة تضيفى كل مرة حاجة جديدة
عليها انا عملتها سادة ممكن انتى بنفس الطريه تحطى
مشروم او فراخ او لحمة
المقادير:
بصلة صغيرة مبشورة ناعم قووى
معلقتين طعام دقيق
كوب شوربة
نصف لبن
معلقتين كريمة لبانى
نصف معلقة كارى فلفل اسود
ملح
رشة بابريكا على الوش
الطريقة:
نشوح البصلة لحد ما تصفر
فى المرحلة دى ممكن نضيف الماشروم او الفراخ
هنحط معلقتين الدقيق يتشوحوا شوية
يعنى لونهم ما يتغيرش
وننزل بالشوربة واللبن
ونقلب قووى علشان الدقيق ما يكلكعش
نسيبها تاخد غلوتين ونحط الكريمة اللبانى ونطفى النار
وادى شكلها على السفرة
رشة البابريكا نحطها على الوش
الفراخ:
بشوحة الاول فى حتى سمنة او زبدة
لحد ما تاخد لون ذهبى وانزل عليها بالبهارات
فلفل اسود ورق لورا
حبهان فصين مستكة
والبصل ونحط الماء المغلى
وبعد ما تستوى نحمرها عادى
كان فية سلطة ومخلالات بس ما صورتهمش
وادى التورتة شوفوها فى موضوعى الاول فى تورت وجاتوهات
اتمنى يبنات الموضوع يكون عجبكوا
وتكونوا استفدتوا ولو بمعلومة صغيرة ومش هاطلب تقيم يبنات دعوة بظهر الغيب تكفينى
مواضيع هذا القسم برعاية
kokoxx91 kokoxx91 448136_3.gif فتكات ست الكل Fatakat 448136 القاهرة – مصر