حبيباتى الفتوكات انا اول مره احط وصفه هنا
بس انا بحب الأكله دى قوى عشان كده قلت احطها لكل الفتوكات
يمكن تعجب حد ويدعيلى دعوه حلوه …
المهم مش هاطول عليكوا
نبدأ بسم الله الرحمن الرحيم
الأول المقادير :
وفلفل أخضر حامى و ألوان زى ماتحبى وطماطمايه وبصله وقطعيهم زى الصوره
وصلصله وملح وفلفل
ونبدأ …
الأول نحط البصله مع شويه زيت و نقلبها تقلبتين
وبعيدن نحط عليها السجق ونقلبهم بس براحه عشان السجق مايتهريش
انا بغطيه 3 دقايق لحد ماينزل كل ميته ودهونه وبعدين بشيل الغطا وبعد حوالى دقيقتين بيكون دخل فى السوا خالص
نروح حطين عليه الفلفل والطماطم
ونقلبهم برااحه زى ماتفقنا
وبعدين نجيب ملعقه كبيره صلصله وندوبها فى كوباية ميه
ونحطها على السجق ونحط الملح والفلفل ونسيبهم يغلو غلوه
وبكده يبقى الطبق جاهز وبالهنا والشفا
أنا بخلى الفلفل الحامى على الوش عشان اللى مابيحبش الحاجات الحاميه.
ممكن يتعمل جنبه بطاطس محمره .
ياريت يا بنات اللى تعجبها الاكله دى تدعى لبابا بالرحمه
أصله كان بيحبها قوى الله يرحمه .
وأنا طالعاله مواضيع هذا القسم برعاية
Princess Strawberry Princess Strawberry 141062_7.gif سوبر فتكات Fatakat 141062 الجيزه – مصر