ازيكم يا فتوكات
عملت فراخ النهارده زى بتاعة الطازج
المكونات :
فرخه 1.5 كجم
معلقة زبده
ملح وزفلفل اسود
الطريقه:
* هنغسل الفرخه كويس جدا وطبعا ككلنا عارفين الخطوه دى
* هنسيب الفرخه تتصفى كويس وبعدين نقصها من الضهر ونفردها
* هنتبل الفرخه بالملح والفلفل بس
* هنحط الزبده فى طاسه واسعه على النار ونسيبها تتقدح كويس
وبعدين نحط الفرخه فى الطاسه من ناحية الجلد
ونحط عليها حله مليانه ميه علشان نبطط الفرخه
ونسيبها حوالى 5 دقائق لحد ما تاخد لون أحمر
وبعدين نقلبها على الناحيه التانيه ونحط عليها بردو تقل ونسيبها تتحمر
بعد كده نحطها فى صنيه وندخلها الفرن نص ساعه تكمل سوا
وعملت معاها رز بسمتى مفلفل
والطريقه :
هنغسل الرز كويس وننقعه فى ميه مدة نص ساعه
هنغلى ميه فى حله على النار وبعدين نملحها ونسلق فيها الرز البسمتى من غير ما نهريه
بعد مايتسلق نصفيه وهنحط عليه باقى الزبده اللى حمرنا فيها الفرخه بعد ما نتبلها برشة توم وبصل باودر
وعملت جنبهم كمان شوربة خضار
خلاص خلاص هههههه
ان شاء الله أكلى يعجبكم
مستنيه ردودكم
ودمتم سالمين
مواضيع هذا القسم برعاية
قطعة جاتوه قطعة جاتوه 433121_12.gif فتكات رائعة Fatakat 433121 بيتى حبيبى – الدنيا