مرحبا جايبتلكم اليوم وصفة اسمها يمكن يكون غريب شوي بس اكيد طعمها كثير زاكي
نبدأ بالمقادير اولا :
دجاج ( حسب عدد الافراد ) بس المهم يكون دجاج كامل ومش مقطع زي الي بنعملو للحشي
ثوم
بصل
فلفل حار ( حسب الرغبة )
صلصة طماطم ( معجون الطماطم )
هيل مطحون ( حبهان)
رشة قرفة ( حسب الرغبة )
زيت قلي
خل ابيض او احمر (حسب ما بتحبي )
لبن زبادي ( رايب )
وطبعا ملح وفلفل اسود
رز برياني ( حسب عدد الافراد )
مرق دجاج ( ماجي او اذا عندك مرق طازجة )
زجاجات عصير ( مهم تكون زجاج لانها راح تدخل الفرن )
الطريقة
نبدأ بدق الثوم والبصل والفلفل الحار ومن ثم نضيفه على الصلصة والخل واللبن الرايب وزيت القلي وبنضربهم بشوكة او مضرب سلك ومن ضيف عليهم ملح وفلفل اسود وقرفة وهيل مطحون ومن ثم بتتبيل الدجاج بالخلطة الي طلعت معنا وبنتركهم لمدة ساعة او اكثر (يفضل طوال الليل ) وهاي شكلهم وهم بالتتبيلة
وبعد هيك بتكوني محمية الفرن وبتبتدي تحطي زجاجات العصير على صينية الفرن ( يفضل تكوني حاطة عليها قصدير اسهل للتنظيف ) وبتمليهم ماء للاخر وبتحطي الدجاج عليهم مع مراعاة ان عنق الزجاجة ظاهر من الاعلى مثل هيك
وبنضعها في الفرن على نار متوسطة ( اقرب للهادئة حوالي 180 درحة )
مثل هيك
من ثم نملأ الصينية بالماء ونتركها لمدة من 2 الى 3 ساعات حسب حجم الدجاج
وبعد ما تستوي بتقدمي معاها رز بخاري ولبن رايب وسلطة او صلصة مثل ما بتحبي
وبالصحة والهنا
وبتركم مع شوية صور
بعد حوالي ساعة
عند التقديم
ملاحظة لاتستغربوا عدد الدجاجات لانو كان في عزومة
انا ما حددت عدد لاي شي هاد بيعتمد عليك انت مثل ما بتحبي ملح وبهارات وطبعا الك الخيار باضافة اي نوع بهار بتحبيه وكمان بعتمد على عدد الاشخاص الي راح ياكلوا من الطبخة
طبعا لاوم العلب تكون زجاجية ومليانة ماء لحتى ما تنكسر في الفرن وما تخافوا اذا فيها ماء ما راح تنكسر
وصحتين وعافية مواضيع هذا القسم برعاية
إيناس عقل إيناس عقل 378723_4.gif فتكات هايلة Fatakat 378723 جرش / مخيم سوف – الأردن