ازيكو يا حبايب قلبى انا قدمتلكو موضوعين
كفتة الجمبرى لاطفالنا الحلوين ……..من مطبخ روكا
والفراخ بالبرتقال مع الرز المعمر………من مطبخ روكا
النهاردة باه هاعملكو الحمام المحشى من ايدى يا رب يعجبكو
انا مش هارغى كتير هادخل فى الموضوع علطول عارفاكى ياام فارووق مش فاضية عاوزة تنجزى قبل الراجل ما ييجى
والباقى انتى عارفاه شمرى اديكى وورايا ع المطبخ
المكونات
جوزين حمام ولاد ناس م اللى قلبك يحبهم
ملح وفلفل وقرفة وورق لورى
بصلتين وحدة صحيحة ووحدة مفرومة
خل اسنان كوب ارز
الطريقة
طبعا غسل الحمام كويس دى خطوة انتو كلكو شاطرين فيها
نشوح البصلة
ونضيف لها الرز المنقوع والبهارات بالشكل ده
ونضيف شوية مية ونسويه نص سوا
كدا الحشو بقى جاهز
تعالو باه اوريكو انا فصلت جلد الحمام عن اللحم زى المطاعم ودا بيخلى الحمامة قد الفرخة عشان تظبطى الراجل
ودا الحمام بعد ما حشيته كله وقفلته بالخلة
نغلى الميه كويس قبل ما نحط الحمام عشان ما يفرقعش وجوزك يقولك يا خايبة ونضيف التوابل والبصلة
بعد حوالى ساعة الا ربع كدة يبقى الحمام استوى اوعى تغيبى عليه مش هاتلاقى الحشو اللى تعبتى فيه
تكة روكا بعد ما تنشلى الحمام رشى رشة ملح بفلفل ع الحمام وهو لسة سخن ها تفرق فى الطعم
حمرت الحمام ودا شكله النهائى
ودا
ودا
انا قدمته مع لسان العصفور
اتفضلى يا حبيبتى بالهنا والشفا بس اوعى تاكلى صوابعك وراهم انا محتاجاهم عشان تقوليلى رايك
يللا باه انزلى قيمى وقوليلى رايك واكتبيلى عنوانك هابعتلك حمامة
بحبكم
روكا
مواضيع هذا القسم برعاية
روكا0 روكا0 1078294_5.gif سوبر فتكات Fatakat 1078294 00000000000 – مصر