عين السمكة او الصنتة كانت فى صابعى فى ايدى الشمال وكانت مدايقانى جدا وكان شكلها وحش وكان حجمها بيكبر وكمان كانت بطلع جنبها زوائد جلدية تانية صغيرة
ودى صورتها
مش عارفة دى اسمها عين السمكة ولا الصنتىةولا ايه؟؟؟
بس اللى كانت فى صابعى كانت عبارة عن دايرة صغيرة كده
وكان حجمها بيكبر
المهم اللى كان بيشوفها فى ايدى كان بيقولى اقربها من حله سخنة على النار واللى يقولى ممكن اشلها بعملية واللى يقولى اعملها بسيجارة لحد ماجارتنا شافتها فى ايدى قالتلى حقولك على الحل قالتلى هاتى ضفدعة واعملى حفرة فى الارض وحطى فيها لقمة عيش وحطى معاها الضفدعة وغطى عليها وكل ماالضفدعة تاكل من العيش الصنتة دى حتختفى
هوه حل شعوذه بس قولت حجرب
المهم فضلت ادور على ضفدعة ملقتش المهم قولت حجهز الحفرة الصغيرة دى واحط فيها لقمة العيش لحد ماالاقى ضفدعة وفعلا عملت كده عملت حفرة وحطيت فيها لقمة عيش وغطيت الحفرة بخشبة صغيرة كده وبعدين غطتها بالتراب وادتها زغروتة هههههههههههه
وبعدها ملقتش ضفدعة ونسيت الموضوع ده وقولت بلاش شعوذة
بعدها والله زى السحر الحاجات اللى فى صابعى كلها اختفت نهائيا
والله العظيم ده اللى حصل بالظبط والله على مااقول شهيد
التفسير ايه مش عارفه الله اعلم بس انا بقول اللى حصل معايا
اما الضفدعة فربنا رحمها منى ههههههه
لو عجبك موضوعى حتعملى كده
ولو معجبكيش كفاية عليا مشاركة منك يا فتوكة
وياريت مش عايزه اى تعليقات تجرحنى انا بحكى تجربتى بصدق ومش بروج لسحر ولا شعوذة
وربنا عالم بالنيات
منى سعيد توفيق منى سعيد توفيق 405820_15.gif فتكات هايلة Fatakat 405820 شرقية – مصر