كنت بعمل ريجيم وخسيت بتاع 20 كيلو واتجوزت وجسمى ثبت على كده 3 شهور وكان جسمى مشدود وبشرتى مشدودة وكلها نضارة لانى كنت بخس واحدة واحدة بالتدريج هو خساسان بطئ وممل لكن مابيسببش ترهلات فى الجسم
جيت عملت عملية ونزفت دم كتييييييييير وفضلت خمس ايام فى المستشفى منهم 3 ايام من غير اكل ولا شرب ويومين اكل ضعيف جدااااااااا
وروحت بيتى فى اليوم الخامس ببص لوشى فى المراية لقيت تجاعيد وجسمى كله ترهلات فظيييييييييييييييعة
ولقيت نفسى خسيت بتاع خمسة كيلو تقريبا
اعتقد فقدان الوزن المفاجئ لانى نزفت وماكنتش باكول ولا بشرب هما اللى عملوا فيا كده خصوصا انى كنت بعمل ريجيم قبل كده ووزنى نزل 20 كيلو قبل العملية
بقيت اكول كتييييييييييير فاكهة وخضار وبقوليات وسمك وفراخ ولحمة وبيض بلدى وعسل نحل طبيعى وبشرب زيت زيتون واشرب ماية 2 او 3 لتر فى اليوم وباخود كملات غذائية وفيتامينات وحديد وبقالى على كده شهرين بعد العملية والتجاعيد اللى فى وشى والترهلات اللى فى جسمى زى ماهما
وللعلم بمارس رياضة وبعمل ماسكات ومفيش وصفة للتجاعيد الا وجربتها وجيبت زيوت طبيعية لبشرتى لعلاج التجاعيد وبالعكس التجاعيد كترت اوى فى بشرتى
والدكاترة كلامهم واحد حقن وفيللر
انا نفسى الاقى حل حالتى بتسوء يوم عن يوم وبشرتى بتسوء وبتشيخ بادرى وانا لسة شباب وعروسة لسة بقالى 4 شهور
حد يساعدنى لوجه الله لان نفسيتى تعبانة جدا والله
فانتوش الفاشية فانتوش الفاشية فتكات هايلة Fatakat 1036382 الجيزة – مصر