بسم الله الرحمن الرحيم
هنبدأ الجزء التالت من جروب تحدي العشرين يوم لانقاص الوزن
و ان شاء الله يكون بحماس أكتر و نخس فيه و ينضمو لينا مشتركات جداد ينورنا و يبدأو المشوار من هنا
و يا رب كلنا نخس بصحه و عافيه
الجزء التاني كان النتايج فيه مش زي ما أتمنى لنفسي و لا ليكو لكن ان شاء الله هنعوض تاني و هنخس و تفائله خير ان يون الجزء دا هوا الأفضل لينا كلنا
الفايزه في الجزء التاني هي صديقتنا ( فراشة زوجي ) بخسارتها 3.9
مبروووووك يا فراشه و أنا عملتلها هيا و الفائزه فالجزء الأول حفله جميله أوووووووي هنزلها دلوقتي اوعو تفوتوها عليكو كلكو معزومييين
دا اللينك
حفله خاصه للرابحات في جروب التحدي و الكل معزووم اللي عايزه تتبسط تيجي
https://fatakat.univanet.com/#2733880
و كمان فيه هدايا رمزيه لتشجيع الفائزات ( بناءا على توصية فراشة من زماان و أنا دلوقتي بنفذ )
باب الاشتراك مفتوح للجميع لحد يوم التلات الموافق 3/3
و يا قمرات اللي تسجل اسمها عشان تشترك لازم تكتب اسمها و الطول و الوزن
و يا ريت تلتزمو كتير بنات بيشتركو و بيهربو معرفش بيرحو فين يا ريت اللي تسجل تكون اد كلامها و تيجي تتابع معانا أو تعتذر لو فيه أي سبب
بعد كدا بمجرد نزول جدول المشتركات مفيش استثناءات اللي هتشوف الموضوع متأخر يعني لازم تستنى العشرين يوم لما يخلصو
و القمرات اللي معانا من قبل كدا يا ريت نفصل بيوم كامل فري و نرجع فريش من الأول
اللي حابين يتعرفو أكتر على جروبنا أنصحكم تشوفوفو الجزء الأول و التاني
دي اللينكات
تحدي العشرين يوم لانقاص الوزن مين معايا ؟؟؟؟؟
https://fatakat.univanet.com/#2564253
الجزء التاني من جروب تحدي العشرين يوم مين معانا ؟؟؟؟
https://fatakat.univanet.com/#2650589
و بالنسبه للنظام الغذائي اللي هنتبعو انا هحط نظامين في الرد الـأول اختارو اللي يعجبكو أنا هعمل التاني عشان حاسه عايزه انزل أسرع المرحله الجايه باذن الله
و الرياضه اختاري اللي يريحك المهم تلعبي رياضه و ركزي على تمارين البطن
و على الجميع و على جميه الأنظمه فيه نقط أساسيه هنمشي عليها :
1/ شرب المايه أساسي يومين 2 لتر دا أقل شيء لازم تزوديه بالتدريج و شرب 4 كوبايات مايه على الريق قبل الفطار بساعه
2/ بلاش الأكل بعد الساعه 8بليل و ان جعتي ممكن تفاحه أو خياره مش أكتر من كدا ( نصيحة lala6666 )
3/ ممنوع بتات حذف أي وجبه أو التخلي عن السناك مهما كان السبب حتى لو لخبطتي لا قدر الله يكون علاجك بشرب المايه و لعب الرياضه مش بحذف وجبات
4/ الاتزام و الاتزام و الاتزام بكتابه التقارير و ان كان فيها أخطاء عشان لو معرفتيش غلطك مش هتصححيه و انتي من نفسك لما تكتبي تقرير ملغبط و نيجي نحاسبك هتتكسفي و متعمليش كدا تاني بس لو كتبتي التقارير الجيده بس يبقا انتي مش بتضيفي اي شيء و مش بتستفيدي
5/ زي ما انتي لما بتنزلي تقرير بتكوني منتظره المشتركات و يقيموكي انتي كمان لازم تقيمي كل المشتركات و لما تشوفي غلط ليها تنبهيها
6/ هنحاول شويه شويه نبرد المايه اللي بنستحما بيها عشان المايه الساقعه بتشد الجسم ( نصيحة لولو المستعينه بالله )
7/ اسمحولي انقلها زي ما هيا من أختي ايمان لأني موافقه جدا عليها و هنبدأ نطبقها باذن الله
عندي اقتراح ((هيعطينا شعور بالأمل والرضا)) يا لولي اذا سمحتيلي….
ايه رأيك لو نكتب مع تقاريرنا اليوميه …حاجات جديده…؟؟؟؟
صلاة الضحى: تمأو لأ
ورد القرآن : (لو حزب أو صفحه)
الاستغفار: (100 أو 500) أو اللي نقدر عليه
يعني لو نستمر عالحاجات ده كمان و نشجع بعض فيها لمدة 20 يوم مش هنسيبها خالص .. وانتي عارفه الأمور الدينينه بتعطي راحه للبدن و العقل كمان!!
بس هزود ليهم أفكار
الخشوع فالصلوات الخمسه ( لأن دي بقت مشكله بالنسبالي )
أذكار الصباح و المساء ( عشان ربنا يحفظنا يا رب )
الدعاااء لينا كلنا نخس ( تخيل لو كل واحده هتعدي ربنا مش هيردنا ان شاء الله أبدا
و دا هيتحط مع التقيم
التقيم بتاعنا من عشره + 5 للحاجات دي قسموهم براحتكو زي ما تشوفو مش هفرض حاجه
يعني التقيم هيكون من 15
و بس
دا جدول المشتركات و أوزانهم
الوزن الصفر= وزن البدايه
الوزن الأول = الوزن بعد أول 20 يوم للمشتركه
الوزن التاني =الوزن بعد تاني 20 يوم للمشتركه
لولي الحلوه لولي الحلوه فتكات رائعة Fatakat 276314 العاشر من رمضان – مصر