السلام عليكم ورحمة الله وبركاته
ازيكم يافتوكات يامقطقطين
عاملين ايه ؟
لسه مقطقطين بردو؟
انهارده عملت التوميه على طريقه الشيف دعد اللى بتيجى على قناة فتافيت
والطريقه دى على فكره اللى بيعملوها فى المطاعم لانها اقتصاديه جدا
نشوف الصوره وبعدين اقولكوا المقادير والطريقه
المقادير
ملعقه كبيره نشا (متستغربوش هما بيعملوها كده)
كوب ماء
فصين توم مفرومين او تلاته حسب الرغبه
ملعقه كبيره مسترده
ملعقه كبيره خل
ملح وفلفل
كوب صغير زيت نباتى
الطريقه
1 هتحطى 34 كوباية الميه على النار
2 تدوبى ملعقة النشا فى ربع الكوبايه المتبقى
3 لما الميه تغلى تنزلى عليها بالنشا المدوب فى الميه وتقلبى كانك بتعملى مهلبيه
4 تقلبى فيها لما يبقى لونها شفاف والنشا يستوى ويكون قوامها تقيل شويه
5 تسيبى الخليط ده يبرد شويه
6 وهوب على الخلاط خليط النشا والخل والتوم والمسترده والملح والفلفل وتضربيه شويه
7 وهو بيضرب ننزل بالزيت خيط رفيع خالص زى المايونيز كده لغاية مايتقل
وهتاكلى توميه كده وكده محصلتش واحلى حاجه ان مفيهاش بيض ولا بياض بيض
ودى صوره وانا مزيناها بالكاتشاب اللى عملته بردو
كمان صوره
ها
ايه رايكم انفع ولا لاء؟
اللى عندها اى استفسار انا تحت امركوا حبيباتى مواضيع هذا القسم برعاية
الدنبابخير الدنبابخير 515207_1.gif فتكات رائعة Fatakat 515207 فى الدنيا الواسعه – مصر