بسم الله الرحمن الرحيم
التفكير ببساطة : هو عملية التخيل العقلي الداخلي للأفكار دون النطق بها , ويعتمد التفكير على المفاهيم التى تتكون بدأ من الطفولة عندما يتعلم الطفل اسماء الاشياء والاحداث ويختزنها في ذاكرته كي يستخدمها في عملية التفكير .
وعملية التفكير تعتمد على سلامة مراكز الوعي والانتباه في قشرة المخ ، ومراكز الادراك والذاكرة
اضطراب وظيفة التفكير : لو تصورنا ان التفكير زي القطاراللي بيتكون من عربات متصلة بعضها البعض وماشية على القضيب في اتجاه واحد نحو محطة معينة – ( ده المثال اللي الدكتور بتاعنا في الجامعه محمود حمودة الله يمسيه بالخير كان بيشرح لنا بيه سلامة واضطراب التفكير )
يعني افكارنا تبقى زي القطر متواصلة مع بعضيها وماشية على أرض الواقع ( زي قضيب القطر ) وماشية في اتجاه معين كلها مع بعض ورايحة لنفس الهدف ،، وعكس كده بالظبط هو اختلال او اضطراب التفكير .
الأعراض المرضية الناشئة عن اضطراب التفكير :
1- الوساوس .. حيث تكون أفكار المريض عكس رغبته وتاخد شكل افكار وسواسية وتحدث في الوسواس القهري والاكتئاب والفصام .
2- تغرب التفكير .. يعني يحس المريض ان افكاره تحت تحكم قوى خارجية
3- الضلالات .. الضلالات دي بقى كذا نوع .. مثلا في
أ- ضلال الاضطهاد : واحد دايما متأكد ان الناس مضطهدينه وعاوزين يأذوه
ب- ضلال الخيانة : وفيه الغيرة الشديدة واحساس الطرف بان الطرف التاني بيخونه دايما .
جـ – ضلال الحب او المحب الخيالي : حيث يحب المريض شخص ويعتقد تماما انه يبادله نفس الشعور رغم انه قد لا يكون بينهما تعارف من الاساس.
د- ضلال العظمة : المريض يعتقد انه شخص مهم وعظيم جدا جدا .
اتمنى ان تستفيدو من الموضوع واي اسئلة انا تحت أمركم بخصوص عملية التفكير
رووح الحياة رووح الحياة images/avatars/sunset.jpg برنسيسة فتكات Fatakat 148003 القاهرة – مصر