في ناس يا اخواتى اول ما تشوف حد
لازم يكون تعليقها
ياااه خسيتى ياااه تخنتى
حاجة في منتهى قلة الذوق
وانا كنت بعمل كدة عن جهل
و ربنا يسامحنى في الناس اللى زعلتهم
طيب ليه نجرح الناس
وليه بنعتبر ان التدخل في حياة الناس ده شئ عادى
و فيه ناس كمان بتعمل نفسها بتنصح
طيب ما كل واحد ادري بمشكلته و ده مش مجال للنصيحة
في ناس بتبقي خاسة نتيجة مرض او عندها مشكلة
و كدة بنجرحها و نفكرها بهمها
و في ناس بتزعل من وزنها الزايد
ومش عايز حد يفكرها بيه
———————————————————–
التعليق على الوزن او على الشكل
اما بيصدر من واحدة مش عندها علم او واحدة خبيثة
و الخبيثة دي مش بتطيق تشوف واحدة احلى منها
لازم تحاول تقلل من شأنها
اما بقي ايه الحل مع الناس الخبيثة دي
فالحل انى ادور على عيب في شكلها
و اول ما تكلمنى عن وزنى اكلمها عن العيب اللى في شكلها
عشان تتهد و تسكت
——————————————-
ولا في تعليق تانى بقي
اخبار الدايت ايه ؟
دي برضو حاجة مملة لما واحدة تلاقى نفسها بتتكلم على طول عن الاكل
حتى لو وزنها كويس
طيب ما الناس تتكلم عن احوال الجو و كدة
الجو حر الجو برد
لكن شفت ناس بتمل بقي من موضوع مكرر ان اول ما واحد تشوفها تكلمها عن بتاكل ايه و بتشرب ايه
————————————————————
الرسول صلى الله عليه و سلم ليس له اى تعليق على موضوع الوزن ده ابدا
كانت امنا عائشة رضي الله عنها في بداي زوجها كانت رفيعة جدا
و كانت امنا سودة رضي الله عنها كانت جسيمة يعني مملأة الجسم
الرسول صلى الله عليه و سلم قدوتنا في ان احنا لا نعيب خلق الله
لكن كلام الرسول صلى الله عليه وسلم كان عن الطعام الصحى
و اهمية التقليل من الطعام
لكن بعد كدة واحدة تتخن واحدة رفيعة
كل انسان هو وظروفه هو وحالته الصحية
ده مفروض مش يشغل حد
نتمنى الناس تبطل الكلمتين المشهورتين
خسيتىىىىىى
تختنىىىىىى
مريــم22 مريــم22 1189349_1.gif ممنوعة من المشاركة Fatakat 1189349 القاهرة – مصر