بسم الله الرحمن الرحيم
السلام عليكم ورحمة الله وبركاته
النهاردة حقدملكم
البيكاتا بالمشروم
وده اكلتى المفضلة
المقادير
لحم فيليه او فراخ فيليه
انا عملتها باللحم ولابد ان يكون فيليه اللحم رقيق مش تخين
ملح
فلفل اسود مجروش
مشروم
بصلة
كسبرة ناشفة مطحونة
ملعقة طعام دقيق
كوب لبن دسم
نص كوب شربة او نص كوب ماء مدوب فيه نص مكعب مرق
اول حاجة حنعملها نتبل اللحمة بملح وفلفل اسود مجروش بسسسسسسسسسس من الناحيتين
مانتبلهاش باى تتبيلة تانية
ونضع طاسة على النار بها القليل من الزيت ولما تسخن ننزل باللحم لكى ياخذ صدمة من الناحيتين
وبعد ذلك نشيل اللحمة بعد لما يتغير لونها من الناحيتين ونضعها فى طبق على جمب ونضع مكانها فى الطاسة بصل مقطع قطع صغيرة مع شوية زيت صغيرين ونقلبه حتى يصفر ويدبل ثم نضع شوية صغيرين كسبرة ناشفة مطحونة ونقلب ثم نضع المشروم انا استخدمت المشروم المعلب صفيته من ميته وغسلته كويس وصفيته وحطيته على البصل ونقلب
ثم نضع ملعقة الدقيق ونقلب
ثم نرجع اللحمة تانى فى الطاسة على الخليط ونصب عليهم اللبن والشربة ونقلب
وندوق ان كانت محتاجة ملح ولا لا
ولما تبدا تغلى نغطيها ونهدى النار ونتركها تستوى وتقدم بالهنا والشفا انا قدمتها مع المكرونة الاسباجتى المسلوقة والطعم مافيش اروع من كده بتبقى تحفة صوص البيكاتا مع المكرونة المسلوقة
اتمنى وصفتى تعجبكم
فى امان الله حبيباتى
التقييم امااااااااااااااااااااانة مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر