ازيكم يا قمرررررررررررات
هم هم مين يأكل بيتزتي؟؟
بصوا المقادير باختصار
2ونص كوب دقيق
لبن دافئ
2 معلقة خميرة بيرة
معلقة سكر
معلقة ملح
معلقة لبن نيدو
معلقة زعتر
العجينة بنحط كله إلا اللبن
بنجيب اللبن الدافئ ونحط عليه الخميرة ونغطيه لمده 2 دقيقة ونحطه في العجينة ونعجن
لحد لما تكون لينة وحلوة زيك كدا يا فتوكة
وبعدين هيلا هوب نحطها في مكان دافئ ونغطيها بكيس بلاستك لاكبر وقت ممكن يعني بحد اقصي 3 ساعات عشان العجينه تخمر
وبعد ما تخمر نجهز الصلصة بتاعتها معلقة زيت عليها 2 معلقة صلصلة وملح ورشة زعتر ورز ماري وفلفل اسود وملح
لحد ما تتسبك ونطفي عليها
ندهن الصنية زيت ونحط العجينة
ونحط الصلصلة وبعدين جبنه موزريلا وبعدين الحشو المفضل لحم فراخ جبن
بس اقولكم السر الي بيخلي طعم بيتزتي لا مثيل له؟؟
خلاص هقول حرام
بصوا انا بعملها بالفراخ بتكون مسلوقة عادي وبقطعها مكعبات واحط معاها مثلثين جبنة مثلثاث وموزريلا
بيغير طعم البيتزا 120 درجة
بس ويعد كدا نحط شرائح الطماطم والفلفل الرومي والبصل وبنحط موزريلا تاني
ممكن تزودي مشروم لو حابة
ونحشي الاطراف انا بحشي نص سوسيس ونص جبنه مثلثات
دي محشية الاطراف
وبالهناء والففتشي
مواضيع هذا القسم برعاية
أُحبك ربي أُحبك ربي 190726_4.gif فتكات ست الكل Fatakat 190726 مصر هي أمي – الركن الهادئ البعيد