السلام عليكم يا بنات
البصاره اكله شعبيه صميمه ههههههه حلوة صميمه ده
المهم هى فعلا اكله طعمها حلو اووى وموفره وما شاء الله بتدى كتير
يعنى من اقل كميه تلاقى عندك اطباق كتير
بس احنا بنسى الاكل ده وفعلا انا مش بعملها الا قليل اووى كل كام سنه
بس ليه لا لما نحيى الاكلات التراثيه ده تانى خصوصا انها مفيده ومغذيه وكمان سهله اووى ورخيصه اووى اووى
يلا بسم الله نبدأ
ربع كيلو فول مدشوش
بصلايه كبيره مقطعه
رأس توم او 4 ملاعق كبار
حزمتين شبت
حزمتتين بقدونس
حزمتين كسبره خضراء
4 اعواد بصل اخضر بالورق بتاعهم
فلفله حاميه مقطعه
4 بصلات كبار مقطعين سلايز للتقليه
زيت
ملح وفلفل وشطه وكمون وكسبره ناشفه
الطريقه بنحط كل المقادير مع بعض ما عدا التوابل والبصل بتاع التقليه ونغطيهم بالمايه ونرفعهم على النار
ونسيبهم يستوى براحتهم حوالى نص ساعه او اكتر شويه
هنقطع البصل سلايز كده
ونحمره علشان يبقى تقليه على الوش نحمره فى كميه زيت كويسه
لاننا هنحتاج الزيت المتحمر بيه البصل فى البصاره نفسها مع نص كميه البصل
وطبعا نطلعه على ورق مطبخ علشان يفضل كرسبى
بعد نص ساعه اما يستوى المكونات كويس نضربها فى اللخلاط كده هتبقى ناعمه
نضيف نص كميه البصل والزيت الى قولتكم عليها ونسيبها تغلى على النار تانى ونحط التوابل عليها
اما تاخد القوام المظبوط يبقى متماسكه زى الملبيه كده
نصبها فى اطباق ونرش عليها البصل التقليه على الوش
والكميه ده ادتنى 3 اطباق بالحجم ده
ولبصاره تتاكل بارده وكل ما تبرد بتبقى احلى واحلى
شايفين لونها جميل ازاى والبصل لونه دهبى وكرسبيى ويجنن
يا رب تعجبكم يا فتوكات وتجربوها
ومتنسوش التقييم
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى