الى كل الباحثات عن الحمل كل من تريد طفل باذن الله احذرو الدكاتره وألاعيبهم مش كل دكتور او دكتورة نسا يكون بيفهم فى العقم انا كتبت موضوع باختصار على المفروض انك تعمليه فى بدايه البحث عن حمل وبدون تجارب وفزلكه فاضيه من الدكاتره رجاء من الله ان تنتبهو لذلك ممكن تكون مشكلتك بسيطه جدا وحلها علبة دواء ب10 جنيه ومن جهل الدكتور يكبرلك الموضوع وتدخلى فى دوامة الطب والدواء واليأس انا بكلمك بعد تجربة 4 سنين مع جميع انواع الدكاتره اللى استاذ جامع واللى رئيس قسم واللى …………… الله يسامحهمبالله عليكم افهمونى وامشوا صح فى البحث عن الحمل وهعيد عليكم المفروض تعملوه باختصار شديد تانىوبكده اللهم بلغت اللهم فاشهد
ندخل فى الجد ونركز شويه وممكن تكتبيهم فى ورقه صغيره وتخليها معاكى
1- اول حاجه جوزك يعمل تحليل الحيوان المنوى ولازم اخذ العينه يكون ليها اساسيات منها:
—- اخذ العينه قبل تحليلها بنصف ساعه ولازم عند اخذ العينه ان تكون بدون اى ادوات مساعده
مثل الماء او الصابون ويفضل ان تكون فى المعمل حتى نضمن نتيجه تحليل صحيحه
—- ان يكون ممتنع عن الجماع فتره لا تقل عن 3 ايام ولا تزيد عن 8 ايام
—- ألا يتعرض لحمام ساخن قبل العينه لانها تقتل الحيوانات المنويه
2- بالنسبه للزوجه لازم تعملى شوية تحاليل فى اليوم التالت او الرابع او الخامس للدوره وهذه التحاليل هتساعدك على معرفة التبويض وعمل المبايض وهى :
—- تحليل هرمون FSH
( كلما ارتفع نسبة الهرمون كلما قل المخزون من المبايض واقل نسبه له 3.3 واعلى نسبه 11.3)
يعنى لازم يقل معدله علشان يكون التبويض كويس
—- تحليل هرمون LH
( هذا الهرمون مسؤل عن نضج البويضات والطبيعى ان يكون قيمته نصف قيمة هرمون FSH )
—- تحليل هرمون Prolactine
( او ما يعرف بهرمون اللبن والنسبه الطبيعيه من 4: 25 ويفضل أن
تكون نسبت لا ترتفع عن 10 لحدوث الحمل)
—- تحليل هرمونات الغده الدرقيه TSH
(اذا كانت نسبة التحليل طبيعيه فلا داعى لعمل تحليل T3 & T4 والنسبه الطبيعيه 0.5 : 5)
—- تحليل هرمون البروجسترون
( وده الهرمون اللى بيحدد اذا كان فيه تبويض فى هذا الشهر ولا لأ وكلما ارتفع عن نسبته الطبيعه كلما كانت نسبة التبويض مرتفعه وجيده ولازم يتعمل فى اليوم 21 من الدوره )
هو ده اللى لازم تعمليه علشان تدورى على الحمل
غير كده يبقى انتى بتضيعى وقت على الفاضى ولو الدكتور ما طلب منك التحاليل دى يبقى لازم تغيريه باقصى سرعه ورب الكعبه ضيعت 4 سنين بسبب تخلف الدكاتره واستهتارهم وكان منهم اساتذه الله يسامحهم
ملحوظه هامه جداً
الجماع الطبيعى يكون يوم اه ويوم لا وبكده انتى بتحصرى البويضه وان شاء الله بيحصل الحمل ومش هتعدى ايام التبويض عندك باذن الله
ولابد التحاليل تكون فى المواعيد المحدده وفى معمل تحاليل موثوق منها مثل المختبر او البرج
وآخر حاجه ان كان وزنك زياده لازم تخسى شويه وتكون نفسيتك كويسه وده اهم من العلاج واعلمى ان الاطفال رزق من الله ولا نقلق على رزقنا ابدا
والله اى دكتور يقلك غير كده يبقى انتى بتضيعى وقتك وهتدخلى فى دوامة الندم
يارب كلنا نستفيد ونمشى صح
رابط تكمله الموضوع
للباحثات عن الحمل 2
https://fatakat.univanet.com/#3023923
فنكوشه بنت فنكوش فنكوشه بنت فنكوش images/avatars/inbloom.gif ممنوعة من المشاركة Fatakat 584302 المنيا – مصر