اللهم صل وسلم وبارك على سيدنا محمد وعلى آله وصحبه أجمعين
موضوعي اليوم (الاوزي)
اهداء للغالية زهرة فلسطين الحزينة ولكل عشاق الاوزي ان شاء الله صحة وهنا
الاوزي اكلة شامية تخص بلاد الشام الأردن وسوريا ولبنان وفلسطين وكل ناس بتعملها بطريقة شكل
السوريين بيعملو في اقراص عجين وفلسطين بطريقتي اللي عاملة فيها وعامة النتيجة وحدة اكلة طيبة جدا من اشهر الأصناف اللي تقدم في الولائم والعزومات
انصحكم تجربوه
بسم الله نبدأ
دجاج حسب عدد أفراد الأسرة
نص كيلو لحمة مفرومة
رز بسمتي او مصري حسب الرغبة انا استخدمت بسمتي
جزر مقطع مكعبات مطبوخة
بازيلا مطبوخة
بقدونس للزينة
بصل مفروم ابيض للرز
بصل اخضر لتحنيس الدجاج واللحمة
جزر مبشور للرز
زبيب
بهارات : ورق غار.زنجبيل.فلفل اسود .كمون.كزبرة.انا بستخدم بهارات الكبسة كمان.هيل حب ومطحون للرز
استخدمي البهارات اللي تحبيها
نغسل الدجاج بالخل والليمون منيح
1.نفرم البصل الأخضر ونضيف عليه ملعقة صغيرة زبدة ونقلب ولما يذبل نضيف البهارات تبعتنا كما هو ظاهر
2.نضيف قطع الدجاج وتفضل نقلب فيها علشان تاخد من ريحة البهارات ونضيف الثوم المعصور
3.نضيف الماء على الدجاج ونسيبه يستوي وطبعا ماننسى الملح
نروح لتحضر الارز
1.نكون غسلنا الرز ونقعناه نص ساعة بماء ساخن نصفيه ونضيف عليه الهيل المطحون والكسبرة والكمون والقرفة والملح
2. نجيب الطنجرة ونبشر فيها البصل ونضيف عليه ملعقة كبيرة سمنة بلدي تفرق في طعم الاوزي ونضيف البصل المبشور ونحرك ثم نضيف الطماطم المقشرة المقطعة 2 حبة
3. ثم نضيف عليه الرز ونحركه ونضيف من شوربة الدجاج عليه ونطبخه
بامكانك تضيفي الزبيب للرز اثناء اضافة البصل حسب الرغبة انا ضفت والزبيب دايما بيعطي نكهة حلوة وطعم مميز للرز البسمتي
طبعا الدجاج بيكون جهز نيجي لتحميره
لتحمير الدجاج نحضر علبة زبادي مع ملعقة صغيرة صلصله الطماطم وعصير ليمونة وسماق ونخلطه منيح وندهنها للدجاج
نروح الخطوة الأخيرة نحضر خلطة اللحم للرز
1.نفرم البصل الأخضر ونضيف عليه ملعقة صغيرة زبدة ونقلب ولما يذبل نضيف اللحمة ونقلبهم ونضيف البهارات والفلفل الاسود والملح
2.نضيف الجزر المقطع والبازيلا ومعصور الثوم ونقلبهم مع بعض منيح وانا بعمل خطوة حلوة بضيف فنجان من شوربة الدجاج عليه وبسيبه يطبخ بيطلع روعة
طريقة التقديم
نحضر طبق ونفرد فيه الرز ومن فوقه اللحمة المعصجة بالخضار ومن فوق الدجاج المحمر
ويزين حسب الرغبة لوز وبقدونس و مكسرات
بتمنى أكون قدمت مافيه الإفادة
ياريت ترفعو الموضوع بدعوة حلوة منكم كفاية ياعسولات
انتظؤوني في موضوعي القادم لوشفت تفاعلكم
مواضيع هذا القسم برعاية
الزنبقة الوردية الزنبقة الوردية images/avatars/pacifier.jpg فتكات ست الكل Fatakat 793622 الخليل – روحي فلسطين