السلام عليكم ورحمة الله وبركاته
أنا صيدلانية
وعايزة اسأل كل واحدة منكم سؤال مهم جدا
تحبي يبقي وزنك متوسط وما عندكيش سكر؟
ولا رفيعة وعندك سكر؟
كل واحدة تجاوب وتاخد قرارها ده قرار مصيري
دي حاجة ممكن بكل بساطة تبوظ حياتك تماما لآخر عمرك
طيب وإيه معني الكلام ده؟
معناه يا حبايبي
إن لو حد ماعندوش سكر وأخذ دوا سكر
هيجيله مرض السكر عافانا الله وإياكم
والكلام ده أنا مسئولة عنه تماما
لأني درسته
هاشرح لكوا
بعد ما بناكل مستوي السكر بيعلي في الدم من الأكل اللي كلناه
وماينفعش السكر يفضل عالي كده(عشان ده بيسبب مشاكل وأمراض كتيرة في الجسم)
فالجسم بيفرز هرمون اسمه هرمون الإنسولين عشان يضبط مستوي السكر في دمنا
عشان ولا يكون عالي ولا يكون واطي
طيب مرض السكر ده أساسا عبارة عن إيه؟
(عافانا الله وشفي كل مريض بإذنه)
يعني الإنسولين اللي الجسم بيفرزه مش مكفي إنه يظبط نسبة السكر في الدم
طيب دوا السكر بيعمل إيه؟(اللي هوه زي الجلوكوفاج والسيدوفاج)
بيقلل نسبة السكر في الدم يعني بيساعد الجسم علي كده
أما لو حد ماعندوش سكر أساسا
جسمه هيكون بيفرز إنسولين عادي جدا ومكفي
طيب جينا إحنا بقي وإدينا للجسم حاجة زي الجلوكوفاج أو السيدوفاج
الجسم هيلاقي حد بيساعده فيبدأيقل إفراز هرمون الإنسولين من الجسم
(زي ما واحدة فينا تكون بتعمل شغل بيتها كله لوحدها وفجأة جه حد يساعدها
طبعا هتريح ولو حاولت تشتغل تاني زي الأول مش هتقدر)
بعد فترة لما تيجي توقفي الحبوب دي هتلاقي إن جسمك بيفرز كمية قليلة من الإنسولين
يعني ببساطة بنحول نفسنا بإيدينا لمرضي سكر
والسكر مرض مزمن يعني ما بيخفش زيه زي الضغط العالي مثلا
كل واحدة تقرر دي مصلحتك إنتي وصحتك لو ما خفتيش عليها ماحدش هيخاف عليها غيرك
وجزاكم الله كل خير
منقول
انا مش دكتورة بس قريت الموضوع ده وقولت لازم تقروه
Robyelbokhary Robyelbokhary 363573_18.gif سوبر فتكات Fatakat 363573 مدينة الرحاب – القاهرة