افردى شعرك ونعميه **بمهلبية جوز الهند ** العناية بالشعر 2024.

السلام عليكم ورحمه الله وبركاتة


ازيكوا ياقمرات معلش اتاخرت فكتابة الموضوع علشان المفروض
كنت اشترك بيه فالمسابقه ولكن الصور تعبتنى جداا ..
فقلت اكتبه دلوقتى وابقى انزله المره الجايه بالصور (ان شاء الله )

اتكلمت قبل كده عن فرد الشعر ( بالنشا وزيت عافيه )
وعن فرد الشعر ( بلبن جوز الهند والليمون )
((بس للامانه منسبتش بنات كتير))
والوصفه دى احلى منها ب100مره
المرادى هنفرده ( بمهلبية جوز الهند))
والخلطة من اليوتيوب جزاها الله خير اللى كتبتها

وجربتها مرتين ليا ولبناتى وحطتها لبنتى سنتين و4 شهور .
.وبتفرد الشعر وبنعمه وتخليه يلمع
( ماشاء الله لا قوة الا بالله )

**تجهيز الشعر قبل الخلطه :
1_ الشعر مغسول ونااشف ومش مدهون .
2_نقسم على حسب طوله وكثافته علشان هنعمله زى الفرد وكل شعره تاخد حقها .

** المكونات **
2 كوب لبن جوز الهند _ 9 م ك عصير ليمون
4م ك زيت زيتون _ 6 م ك نشا كبار

فى بنات هتسال ان الليمون هينشف الشعر .. ؟؟
هقولها معاكى حق..
ولكن زيت الزيتون بيوازن الجفاف اللى بيسببه الليمون .
والنشا بيفرد وينعم
ولبن جوز الهند بيغذى الشعر من الداخل والخارج وبيعالجه بقوه

الطريقه:
1_ هنخلط زيت الزيتون ولبن جوز الهند فكسروله ونحطهم على جنب .
2- هندوب النشا فى عصير الليمون لحد ما يبدوب وميبقش فيه تكتل .
3_ هنضيف النشا والليمون لخليط لبن جوز الهند وزيت الزيتون .
4_ هنحطهم على نار متوسطه ونقلب بمعلقه خشب وايدك فيها علشان مش تكلكع.
(هتلاقى الجوانب بدات تعمل زى المهلبيه هتوطى النار وتقلبيه دقيقه كمان وتطفى)
5_ هنقلبه تانى بسرعه علشان مش يكلكع وعلشان يكمل سواه بالحراره اللى فيه .
6_ هنحطه فطبق زجاج وطبعا الشعر متقسم ونشتغل بيه بسرعه وهو دافئ.

طريقة وضع الفرد :
1_ هتاخدى كميه بسيطه فايدك وتحطيها على الشعر ( مينفعش بفرشه الصبغه )
2_ هنشرب الشعره من الكريم من الجذور للاطراف من جميع الجاهات .
3_ هنركز على مقدمة الراس والسوالف ونهاية الشعره المقصفه ونشربها الكريم .
4_ بعد ما تخلصى شعرك مشيه عليه بايدك تانى وكررى الخطوه رقم 3 .
5_ هتحطى بونيه او كيس على شعرك .
6_حمام بخار هنلف فوطه سخنه فوق البونيه 2:1 .

خطوة غسل الشعر :
** لو هتعمليه سشوار او سيراميك لازم يتغسل بالشامو والبسلم علشان ميدخنش .
** اما لو هيتلف..يبقى الافضل تشطفيه بالميه فقط (او البسلم لو مش بتحبى ريحة جوز الهند ).
وتكرر مرتين فالاسبوع والنتيجه بتبان بعد اسبوعين

اللى تجربها تقولى يا فتوكات علشان اضيف المشاركه فاول الموضوع

ومتنسوش تدعولى بصلاح الحال وفك الكرب وجزاكم الله خير

تجارب الفتوكات
45
47


* زهرة الوادى * * زهرة الوادى * images/avatars/hand.gif فتكات ست الكل Fatakat 189329 كانت محروسه .. وأصبحت مقروصه – اللهم اغفر لى ..

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.