بصوا يابنات انا بأذن الله هولد قريب يعنى ممكن خلال الاسبوع دا
(((يارب اقوم بالسلامه يارب ويفرحنى ببنوتى وتكون سليمه معافاه قولو يارب)))
انا عاوزا اعمل نيو لوك جاممممد اخر حاجه لانى اعتبر عروسه وحملت نفس شهر الجواز يعنى ملحقتش خالللللللللللللللللص
ومن الاخر عاوزا ارجع زى ما كنت تانى مع شويه تغييرات وعاوزاكوا تفيديونى بقى من الاخر عاوزا ابقى مووووزه
انا هقولكوا ع اللى بفكر فيه وانتوا فيديونى برأيكم بقى يافتوكات
1- اقص شعرى قصه جديده انا اخر مره قصاه من 3 شهور يعنى يعتبر الاطراف بس لزيز عاوزا قصه لزيزه تكون حلوه اعملها بس تكون ع طويل برضو
هو بعد كتفى قريب من نص ظهرى اعمل ايه؟؟؟؟؟
2- اعمل صبغه كوليستون اللى هى الرغوه دى فتك تك بتشكر فيها بس محتاره اوى بين اللون الاحمر الغامق واللون البندقى واللون البنى الغامق
انا شعرى اسود جدا ومش بيتأثر بالصبغات اعمل انهو فيهم اللون ولو ف نصايح ؟؟؟؟؟؟؟؟؟
3 – عندى هالات سودا زايده اوى لو تعرفوا ماسكات كويسه او حاجه تعالجها مع العلم انى منتقبه
وكمان عاوزا نوع كونسيلر حلو اووووووووى اشتريه وطريقه توزيعه الصح عشان انا مكنتش بستخدم قبل كده
4- عاوزا ماسك طبيعى يكون حلو لبشرتى عشان يضيق المسام وتبقى بشرتى نضره ومنوره وشكلها صحى
انا عندى ماسك هيمالايا الخيار واللوز هو حلو اوى جايلى من برا هستخدمه كمان
ومعاه مقشر هيمالايا برضو حلو اوى
5- شفايفى هستخدم لابيلو زبده كاكو كريز حلوه اوى عندى برضو
عاوزا نوع روج يبان طبيعى اوى زى الممثلات كده مش بيلمع اللى هو الناتشيورال دا
6-عاوزا نوع عدسات غير فريش لوك يوميه لانى لسه هجرب وجبت فريش لوك مره واتقطعت وانا جايه البسها لسه
7- لو فى كريم للجسم بيدى لمعه حلوه زى الممثلين كده ولا هما بيعملوا ايه ؟؟؟؟
8- وفى حاجه عاوزا افهم بتعمل ايه وبتستخدم ازاى ونوع حلو برضو اللى هى لمعه الخدود او الشيمر اللى بتقولوا عليها
9- عاوزا نوع كحل اسود يكون كويس ونوع كحل الوان برضو يكون حلو وطرى كده ولونه واضح بسهوله
ايه رأيكوا ف البرنامج دا ولو ف حاجه تانيه ياريت تنبهولى عليها
انا عارفه انكوا اجدع فتوكات ومزز المدونة من الاخر
ويارب الموضوع ميتنقلش
بسسسسسسسسسسسسسس ردوا عليا بجد عشااااااان محتاجاكوا ومفيش وقت ياقمرات بااااااااااااااااااااااااى
ميرو بيتو ميرو بيتو 140101_5.gif سوبر فتكات Fatakat 140101 المنوفيه – مصر