بسم الله الرحمن الرحيم
باركولي يابنات فعلا انا مش مصدقه اللي وصلتله اخيرا بفضل ربنا حامل بعد معاناه وسفر ولف ع جميع الدكاتره وكل واحد يشخص حاجه مختلفه عن التاني وفي النهايه صديقتي *روفان* ربنا يثبت حملها علي خير قالتلي انتي لفيتي كتير تعالي بقي معايا المركز اللي انا بتابع فيه مركز انجاب ولو مارتحتيش خلاص براحتك
وفعلا روحت وكان استقبال الدكتور بصراحه فوق الممتاز وارتحت نفسيا جدا وشرحتله الوضع واني عملت الحقن كذا مره ومحصلش نصيب وكانت الصدمه
تحليل الاجسام المضاده والاجسام المناعيه
طبعا محدش قبل كده قالي اعملي التحاليل دي وفعلا كانت عندي النسبه عاليه وكان ده اللي بيمنع حدوث الحمل مع ان السبب الرئيس كان ضعف الحيوانات المنويه
والحمد لله بدات للتحضير لحقن المنشطات وكان اول مره اخد حقن بيرجون من تاني يوم للبريوت ولحد يوم السحب روحت المركز وسحبت 20 بويضه والدكتور نقلي الاجنه في اليوم الخامس
وبدات بقي حالة الانتظار بعد ترجيع الاجنه كل مره كنت بعملها كنت بحس باعراض واقول خلاص اكيد كده انا حامل من دوخه لهبوط وماليش نفس للاكل
المره دي حصل غير كل مره ماحستش باي اعراض خالص بس كان نفسي مفتوحه ع الاكل بطريقه غريبه وباكل كميات كتيره طبعا كنت قلقانه وقلت شكلها كده محصلش حمل وبدات من اليوم التاسع اتوتر وماصبرتش لليوم ال14 روحت وحللت في اليوم 12
وقلت خلاص بقي عشان لو مفيش حمل اعيش حياتي طبيعي واشوف بيتي واهتم بيه
وكانت المفاجااااااااااه مدام ريهام …… ايوه……. مبرووووك انتي حامل
مش قادره اوصفلكوا شعوري ولا دموعي اللي بتنزل بطريقه هيستيريه اول مره اسمع الكلمه دي لا وكمان ايه تقولي النسبه طالعه مرتفعه جدا ماشاء الله شكلهم توام طبعا قعدت اشكر ربنا طول الطريق ودموعي مابتقفش
انا دلوقتي في الشهر التاني ادعولي ربنا يثبت حملي ع خير
تكلفة العمليه -انا اخدت علاج ب5 الاف
والمركز – 8ونص
وعملت تحاليل ب500
ومثبتات بعد العمليه ب الف
ودي كانت ارخص مره اعمل فيها
اول مره عملتها كان مركز في القاهره بدون زكر اسماء اتكلفت 22 الف
وتاني مره في المنصوره كانت ب18 الف
الحم لله انا مش زعلانه علي الي راح المهم النتيجه اللي وصلتلها
وبعد كده متابعة الحمل بقي 50 كشف وسونا 4Dب50 يعني رباعي الابعاد طبعا السعر ده انا اول مره اسمعه ومكنتش مصدقه الا لما فعلا شفت بعيني
يابنااااااااااااااااااااااااااااااااااااااات انا بحبكوا في الله ونفسي كل واحده تدوق الفرحه دي ربنا يكتبهلكوا كلكوا يااااااااااارب واللي محتاجه مني اي استفسار انا موجوده وربنا يرزقنا الذريه الصالحه
ريهام بورسعيد ريهام بورسعيد 1220600_2.gif فتكات حبوبة Fatakat 1220600 بورسعيد – مصر