أزيكم يا بنات
انا غيرت الدكتور بتاعى كنت عند الدكتور ياسر عريف وف نفس الوقت ده كان جوزى تعبان وبيتعالج فاخدت كلوميد وابر منشطه وعطانى ابره تفجيريه لما البويضه وصلت ل18 ومحصلش حاجه الحمد لله برضهعلى كل شئ
والكلام ده كان ف العيد الصغير اللى فات فتقريبا كان ماشىمعايا بطريقه سياسه النفس الطويل المهم تعبت نفسيا ومكملتش وسبت كله لحد العيد الكبير انا متجوزه بقالى 9 شهور
وغيرت روحت لدكتور أحمد عزام
المهم جوزى خلص علاجه وقبل ماروح للدكتور عمل تحليل لنفسه والحمد لله بقى كويس ومفيش مشاكل عنده وانا لما روحت عطانى منشط بس مش كلوميد مش عارفه اسمه ايه كان اقراص شريط واحد ب185 جنيه ورحتله تانى يوم البريود
لقى فى تنشيط لانى نسيت اقولكم مكنش فيه تنشيط والبريود مكنتش بتنزل ونزلت بالاقراص
ولما روحتله والبريود موجوده لقى فيه تنشيط والبويضه وصلت ل12
المهم قالى اجيله اليوم ال13 مع مراعاة اخد كل يوم 1قرصريفو اطفال وقرص سيدوفاج وقرص فوليك أسيد وبعدين وصلت بويضه ل18 فى المبيض اليمين وبويضه 20 فى المبيض الشمال وأخدت الابره التفجيريه ابرتين ف ابره وقالى أعمل اختبار بعد 14 يوم انا لسه واخداها امبارح بالليل مع مواعيد الجماع اللى كتبها وكا اخرها النهارده المهم انا عندى مغص جامد اوى ومتقطع بيروح وييجى وظهرى وجعنى بس مش اوى ومش علطول تفتكروا اللى اخدته هيجيب نتيجه المره دى انا مش حاسه بحاجه وعندى ثقه فى ربنا وكل حاجه بس حاسه انى هبقى زى المره اللى فاتت
انا طولت عليكم بس مش عارفه اتكلم مع مين خصوصا ان ى مش معرفه حد من اهلى او اهله باى حاجه
ربنا يخليكم ليا أدعولى بقى
والتحليل هيبقى يوم 28/11 يارب يبقى خير
ola ali mohamed ola ali mohamed 560052_6.gif فتكات هايلة Fatakat 560052 alexandria – egypt