السلام عليكم ازيكو يااحلي فتوكات يارب تكونو في احسن حال يارب
النهارده قلت انزلكو موضوع وبالمره افكركو تدعولي ربنا يكملي حملي علي خير ويقومني باللسامه انا والبيبي لاني الايام دي بمر بظروف صحيه صعبه جدا
واخترت الفراخ بالجبنه الرومي ورز بالبسله والجزر
ويارب يعجبكو ياقمرات
نبدا بسم الله
صدور فراخ هتتبليها ببصل وخل وليمون وتوابل زي ماانتي عايزه وتسيبيها شويه فيى التتبيله
وبعدين تكوني مشرحاها وتحطي جواها جبنه رومي
وتعملي بشاميل تقيل كوب لبن ومعلقه ونص دقيق وترشي فوقها جبنه موزريلا او رومي وبعدين لفيها في فويل ودخليهاىالفرن ولما تستوي حطيها ىتحت الشوايه
نشوف بقي لما استوت ياقمرات
بسم الله
وبجد طعمها روعه فعلا الي هتجربها هتدعيلي
وكمان كان اتبقي منها حته تاني يوم شوحتها عالنار مع نص مكعب مرقه وطبعا مقطعاها زي الشاورمه وحطيت معاها بقدونس حاجه بسيطه بجد كانت خطيره زي الشاورما لما بتجيبيها من بره واحلي كمان
نيجي بقي لطريقه الرز عالسريع كده وعشان مش اطول عليكو ياقمرات
هتبشري بصله صغيره وتشوحي فيها البسله والجزر المبشور عالنار شويه وحطي مكعب مرقه وحطي شويه ميه علي قد تسويه البسله ولماتستوي وتتشرب كل الميه اغسلي الرز وظبطي الملح وحطي الرز عالبسله والجزر علي طول بدون اي زيت لاننا مشوحين البصل والبسله الاول بزيت كافي وبعدين حطي الميه علي قد الرز مش نحط زياده
ويارب يكون الموضوع عجبكو ياقمرات
ومتنسونيش من الدعاء ياقمرات
مواضيع هذا القسم برعاية
امواج دافئة2016 امواج دافئة2016 420173_23.gif شيف فتكات Fatakat 420173 الرياض – السعوديه