زي العنوان كده بالظبط
احسن ريجيم اثبت فعاليته
الريجيم ده معرفش حد مشي عليه الا وخس جدا جدا جدا
اولهم واحده صحبي كانت 98 وبقت 60 خلال شهرين
يعني تقريبا 40 كيلو
جارتي مشت عليه لشهر واحد وخست 30 كيلو
صاحبه اختي خست حوالي 28 كيلو في شهر
طبعا كل واحد الوزن الى بيقل بيكون ع حسب نشاطه
يعني عنده شغل بيمشي ولا لا
بس الامانه التلاته الى فوق دول كانو بيتمشو يوميا من نص ساعه ل ساعه
بس الشرط الوحيد للريجيم ده المداومه
تداومي عليه شهر ع الاقل
من غير لغبطه
اصبري شهر بس
ممكن تعملي يوم كل 10 ايام تاكلي واحده بس فري
ومش معني فري انك تفتري
ومش طول اليوم هي وجبه واحده بس
انا مشي عليه 3 اسابيع
ولغبطت والله فيهم يوم او اتنين وخسيت 9 كيلو
بس كنت بتمشي بردو
وللعلم محدش فيهم رجع تخن تاني الا واحده بس لانها حملت وولدت
سالت صاحبتي قالتلى انا مبقتش اقدر اكل اصلا
كانت شاريه باكت بطاطس اكلت واحده وقالت شبعت
ما شاء الله عليها
معلش طولت عليكو بس كان لازم اقولكم ع كل حاجه
الريجيم متعارف عليه بس دكاتره الريجيم بيظبطوه بقي بالايام والنهرده تاكلي كذا بيشتغلونا
لو ركزتو هتحسوها واحده اصلا
اللى هو ايه بقي
الفطار نص كوب لبن خالي الدسم معاه اي حاجه بيضه مسلوقه نص كوب كورن فليكس قطعه جبنه قريش او اربع ملاعق فول
طلعا كلنا بقينا اساتذه في الريجيم
وبين الغدا والفطار تفاحه خياره اي حاجه متوفره
الغدا بقي اي حاجه عندك كبروتين وسلاطه
والعشاء زبادي وفاكهه
والله كل الانظمه عباره عن كده
ولو ركزتي هتلاقي نفسك بتاكلي كل العناصر
حتي النشويات اللى انتى ممنوعه منها هتلاقي نفسك بتاخديها في اي عنصر تاني
يعني لو اخدي الصبح كوبايه بليله بلبن خالي الدسم ده يغنيكي عن اي حاجه
ويفضل يبقي في يومين في الاسبوع زي ما بيقولو اورديحي مش عارفه كتبتها كده صح ولا لا
يعني الغدا يبقي شوربه عدس او بيض مسلوق او بطاطس مسلوقه كده يعني
والله مش هتندمو
طول عمركم بتعملو ريجيم جربو شهر واحد وهيغير حياتكم
ولو سمعتو سمر العمريطي او مها رداميس هتعرفو حكايه انك تخسي وتتخني دي
انك بتخسي عضلات وترجعيهم دهون
فعشان كده مفاصلك بتوجعك
ومش بتقدري عملي حاجه
لان عضلاتك راحت وجيه بدالها دهون
ولو بصيتي لكيلو الدهن وكيلو اللحمه
الاتنين نفس الوزن لكن الشكل كيلو الدهن اكبر
اللي بيخس ويخن ويرجع يخس ويرجع يخن
ده بيدمر عضلاته
ويزود دهونه
عشان كده لو بصينا لواحد رياضي ووزنه 100 كيلو وبصينا لواحده بتعمل ريجيم وترجع تتخن 100 كيلو بردو
هتلاقو الريياضي ده يشيل حديد
ودي لو فردت ملايه سرير تتعب
ووجع مفاصل وقرف
والله اانا ماما بتعاني
ممكن بقي بعد الشهر ده ولما تخسي
تعملي اكل صحي
مش يبقي حرمان خالص او افترا خالص
يعني نص العما
تظبطي حياتك
بس نخس الاول
ملحوظه اخيره
ممكن واحده تعمل الريجيم ده ومتخسش زي ما انا كاتبه بالوزن ده
لاحد الاسباب دي من وجهه نظري
ميكونش زنها عالي اوي
يكون جسمها متعود عليه بصوره متقطعه
متلتزمش بالمشي او اي نوع رياضه
او اخر سبب ولقدر الله يكون عندها مشكله هرمونيه
انا كده خلصت
ادعولي اوصل للوزن المناسب
تحياتي ليكم
اختكم في الله
دموع من خشيه الله دموع من خشيه الله فتكات هايلة Fatakat 502764 cairo – egypt