حبايب قلبى وحشتونى جدا
النهاردة وصفتى بطاطس سهلة وطعمة جدا وغير مكلفة
يعنى اقتصادية ومحببة للكبار والصغار خصوصا الصغار
تعمليها ساندوتشات اليكم المقادير والطريقة
وبعدين نكمل حكاوى
هى احلى بطاطس بالخلطة
كمية البطاطس زى ما تحبى انا عملت اتنين كبار
هى بتطلع كمية حلوة
خضرة مشكلة بقدونس=شبت=كسبرة=
توم نص راس او راس صغيرة
2 بيضة كبار او تلاتة
كوب ماء صغير
3ملاعق دقيق
ملح =فلفل اسود=كسبرة ناشفة=نعناع=كمون
بسم الله نبدا
اول حاجة نقطع البطاطس حلقات مش رفيعة
ولا تخينة ونغسلها انا بقشرها الاول طبعا
ونسلقها نص سلقة مش تتهرى ونسلقها بملح
بعد السلق نكون مجهزين الخلطة
اللى هى نرب البيض ونضع التوابل
ونضع التوم المفروم والخضرة وسنة شطة لو بتحبى
ونضع المية والملح والنعناع ونقلب كويس ونضع الدقيق
ونقلب وما تكونش تخينة ولاخفيفة
المرحلة اللى جاية انزل البطاطس فى الخلطة الجميلة
دى واقلبها واطلع البطاطس على الزيت الساخن
تتحمر لحد ما لونها يبقى دهبى وجميل
اطلعها على ورق علشان يمتص الزيت
شايفين جمالها وطعامتها
دهبية وجميلة جربيها هتدمنيها
واقدمها مع سلطة خضراء وارش على
الطبق حبة خضرة من فوق وبالهنا والشفا
وعلى فكرة جميلة جدا وريحتها وانت بتحمريها بتقلب الشقة
والاطفال بياكلوهاوانا لسة مطلعاها من الزيت
لانها جميلة فى الفطار وغدوة اقتصادية اوعشوة خفيفة
جربوها وادعولى
ودول شوية قرنبيط كنت عملاهم مع البطاطس
مقاديرها فى كل بيت ومش مكلفة وحلوة
وبالهناحبيباتى
فى امان الله ما تنسوش
لو الطبق عجبكم الرد والتقييم وشكرا ليكم
والى اللقاء فى وصفة بطاطس اخرى
مواضيع هذا القسم برعاية
امولا 98 امولا 98 889005_11.gif مراقبة مدونة Fatakat 889005 المنيا – مصر