سلام عليكم حبايبي الفتوكات .. أنا من إسكندرية وحبيت أفيد عرايس إسكندرية بخبرتي القليلة اللي كان جزء منها عرفتوا من فتوكاتي حبايبي ربنا يجازيهم خير..
طبعا في كﻻم متقال قبل كده في مواضيع تانية بس انا حبيت أجمع المعلومات كلها في موضوع ..
يا قمراية..
إوعي تستعجلي وتشتري حاجاتك من أول حد تشوفيه لازم تلفي شوية عشان تجيبي من الأرخص لأن في إستغلاليين كتير..
بصوا بقى الأماكن اللي هقولكوا عليها دلوقتي دي من أرخص الأماكن اللي شوفتها وفيها الحاجة النضيفة والوسط والأقل من الوسط وكل بنت وحسب إمكانيتها ..
*بالنسبة للأجهزة المنزلية.. (المنشية والسكة الجديدة ومحلات الهانوفيل):: ابعدي عن كارفور حرااااامي وعن تجربة حتى العروض::
*بالنسبة للأجهزة البسيطة بتاعت المطبخ زي الكيتشن ماشين.. (محطة الرمل شارع النبي دنيال) ..
*بالنسبة للفرش والبطاطين .. محطة مصر ..(محل شاهين وجنبه محل لمعي بخيت) ::بتوع المنشية حرامية عايزة تيجيبي منهم فاصلي جامد::
*بالنسبة لأدوات النيش ..(السكة الجديدة وطبعا فاصلي لو مردوش خلاص لان هما اصلا جملة)..
*بالنسبة للبلاستيك (مصنع خورشيد) وطبعا ده في خورشيد مش محتاجة ذكاء لكن اللي بعيدة عنه يبقى (السكة الجديدة وتفاصلي)..
*بالنسبة لأدوات المطبخ والرفايع .. (محلات الجملة اللي قدام سنترال المنشية )ومش هتلاقي أرخص منهم لأنهم اللي بيوزعوا للمحلات وبرده عندهم حاجات نضيفة.
لو إفتكرت حاجة تانية هقولكوا.. وطبعا اكيد في أماكن تانية برده أسعارها حلوة بس أنا حبيت أنصحكوا حسب خبرتي وأسأل الله أن يجعل هذا الأمر في ميزان حسناتي وأسألكم الدعاء بتيسير الأمور .. بحبكم في الله
……….. متنسوش التقييم عشان يستفيد الجميع …………
همس الأحبة همس الأحبة 794153_3.gif فتكات نشيطة Fatakat 794153 الأسكندرية – مصر