السلام عليكن ورحمة الله وبركاته
طبعا سرطان الثدى موضوع العصر وسيدات كثيرات بيصابوا بهذا المرض ولاسف لم يكن يعرفن باعراضه ويتفاجئوا بالمرض شفاهن الله جميعا باذن الله
ليا جارتى بتدرس فى أحد معاهد التعليم القرآنى وكان هناك جوله من الأطباء للتوعيه عن هذ المرض وأفادتنى بهذه الخطوات وأول ما عرفتها قولت لازم ابلغها لكن
الخطوات يافتوكات ياريت تركزوا معايا
الخطوه الأولى : أنك تقفى قدام المرايا (بلاش مراية الحمام) مكشوفة الصدر وترفعى ايديكى الاتنين لفوق اوى تكون دراعاتك مشدوده ومنطقه الصدر هتتشد طبيعى (كانك بتجيبى حاجه عاليه) وتحاولى تركزى على منطقة الصدرفى المرايا عن أى كتل بارزه
الخطوه الثانيه : هاتى ايدك اليمين وحطيها على راسك تكون منطقه الذراع مشدوده وتعملى تدليك باصابعك التلاته (السبابه والوسطى والخنصر) على منطقة الصدر هتقسميها اربع اجزاء مثلا الذراع الايمن هتدلكى الربع الشمال 3 دقايق وانتى ضاغطه على منطقه الصدر تدخل على الربع اللى جنبه تدلكيه 3 دقايق وانتى ضاغطه على الصدر بردو تنزلى على المربع اللى تحتيه ثم المربع الاخير ماتشيليش ايدك خالص الا لما تخلص الغرض من كده انك لما تدلكى لو فى كتله وللا حاجه واتنقلت لما تتنقلى بحركه مفاجأه للمربع التانى بعد التدليك هتحسى بالكتله دى
دى صوره تقريبيه على رفعة الزراع والديره الحمرا المفروض انها منطقه الابط هههههههههه معلش الصوره معوقه شويه بس ده اللى قدرت عليه علشان اقرب الصوره لكن
الخطوه الثالثه : وانتى بردو مكشوفة الصدر تحنى نصفك اللى فوق لقدام كانك بتجيبى حاجه من الأرض وتشوفى مظهر الصدر هل مكرمش زى البرتقاله وللا لا لو مكرمش دى من العلامات بردو
الخطوه الرابعه والاخيره : خلى بالك من اى تغيرات فى الحلمه وخصوصا نزول سائل منه لانها بردو من أعراض المرض
نستنتج من كده ان أعراض المرض هى : 1- ظهور كتله عند الأبط او فى محيط الصدر
2- شكل الصدر مثل شكل البرتقاله
3- نزول سائل من الحلمه
الخطوات دى ياريت تتعمل بشكل منتظم مش هتاخد منك وقت
ملاحظــــــات : بلاش يافتوكات تعملوا الخطوات دى ايام البريوت (الدوره الشهريه) وبعدها بثلاثة ايام لان احيان بيحصل اضطراب فى الغدد اللمفويه ايام الدوره وتسبب ظهور كتله فالخطوات دى تتعمل بعد ثلاثة أيام من انتهاء الدوره
حفظكن الله من كل شر
كاتى روز كاتى روز 282624_3.gif سوبر فتكات Fatakat 282624 القاهره – مصر