الحقونى يافتوكات البيتزا طلعت ناشفه ياشماته ابله ظاظا فيا
انا كان عندى جمبرى ف قولت ف نفسى اما اقوم اعمل ليا ولجوزى حبيبى بيتزا بالجمبرى ع العشا وتبقى عشوايه حلوه
ولا وايه اتشمللت وقولت هعملها ستافت كراست
وجات الحزينه تفرح ملقتلهاش مطرح
طولت انا عليكو صح معلش ده انا من امبارح عماله اصوت
وبعد طول تفكير ودموع الندم وصرخات الاهات
حلوه الحبتين دول
قولت ما فيش غير الفتاكيت هما اللى هيقولو فين الغلط
مقادير الوكسه بتاعى
3 كوب دقيق
1 كوب زبادى وده اللى انا شاكه فيه انه نشفها كده
كيس الا ربع خميره فوريه
ملح
ذره سكر
زيت مش كتير والله يادوب معلقه صغيره مثلا عشان انا اعرف انه بينشفها
ماء دافئ للعجن
حطيت الدقيق مع الخميره والملح والسكر والزبادى وقلبت و بعدين شويه الزيت وحطيت الماء الدافئ لحد ما اتعجنت وكانت ملزقه شويه فضلت احط دقيق تانى لحد ما مسكت كويس وغطيتها ودفيت الفرن ودخلتها تتخمر وسيبتها ساعه تقريبا
طلعتها وفردتها بالنشابه وبطنت الصيبنيه بتاعى بسمن خفيق خالص دهنته بالفرشه وشويه دقيق عشان ماتلزقش وانا عملت الطريقه دى قبل كده ومانشفتش منى
المهم
حشو الجمبرى بتاعها كان حلو الحمد لله
ماتفرحوش كده استنوا
مش انا قولت هعملها ستافت كراست
جبت بقى جبنه بريزيدن وحطيتها ع الاطراف وتنيتها
كده كلو تمام والصلصه اتحطت وفوقها الطماطم والفلفل والزيتون و خلطه الجمبرى والجبنه الموتزاريلا
نيجى بقى للتسويه
حطيتها ف الفرن بعد ماسخن على درجه 180 تقريبا وقعدت شويه جوا الفرن مجرالهاش حاجه ضهرها لسه مش اتحمر فضلت اعلى ف الفرن بقى كل شويه لحد ما خليته ع الاخر
اصلى كنت جعانه
المهم احمرت من تحت
وولعت الشوايه عليها عشان تتحمر من فوق
واتحمرت من فوق
المصيبه بقى ان الجبنه البريزيدن طلعت من مكان حشوها بقت بره ع اطراف الصلصه والاطراف المتنيه دى نشفت وبقى طعمها زى العيش الحاف والبيتزا كانت ناشفه من تحت
اللى كان حلو فيها هو خلطت الجمبرى
اللى قاهرنى بقى انها لما باتت لتانى يوم ف التلاجه وسخنتها ف المايكرويف كانت طريه قولت فينك يا ابله ظاظا عشان تبطلى الشماته
دى وجعتلى سقف بقى ده طبعا غير الكلام الحلو اللى انا اخدته عليها
مش هقولكوا كميه المدح
"ما كنا نجيب من بره احسن "
"وكل ده وتطلع ناشفه "
"ياخساره الجمبرى"
"انتى ملكيش ف حاجه متعمليهاش"
بس اكلتهاله برضو
احنا ف السيطره مسيطرين
انا عملت بيتزا مره قبل كده وطلعت كويسه مش ناشفه بس كانت الكميه اصغر
ساعدونى يافتوكات بالله عليكو
حد يقولى فين الغلط هنا وربنا يخليكو ليا وميحرمنيش منكو
مواضيع هذا القسم برعاية
Nada Ela3ma Nada Ela3ma 855613_1.gif سوبر فتكات Fatakat 855613 cairo – Egypt